EZEKIEL 1:3 - Lai (Hakha) Common Language Bible 2006

³ Khaldi mi hna ram i Khebar tiva pawngah khan Buzi fapa tlangbawi Ezekiel sinah khan Bawipa bia cu a phan; cun khika ah Bawipa kut cu a cungah khan a um.

EZEKIEL 1:3 Referans Kwoze

EZEKIEL 3:22

Bawipa kut cu ka cungah a phan i a ka thawh i, “Tho tuah, nelrawn ah khin vung kal law khika ah bia kan chimh lai,” tiah a ka ti.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

2 SIANGPAHRANG 3:15

Sihmanhsehlaw tingtang tum thiammi hunpi tuah ngat u,” tiah a ti. Cun tingtang tum thiam nih khan a hun tum tikah Bawipa ṭhawnnak cu a cungah a tlung.

1 SIANGPAHRANG 18:46

Cun Bawipa kut cu Elijah cungah khan a um i a biar aa rengh i Ahab hlanah Jezreel luhnak kutka ah khan a rak tli.

EZEKIEL 40:1

Sal i kan tan a kum kul le kum nganak, cu kum a hramthawk thla, a ni hra ni ah, cu ni hrimhrim ah cun Pathian kut cu ka cungah a phan i khika ah a ka kalpi, cucu khuapi a rawk hnu kum hleili kha a si.

EZEKIEL 37:1

Bawipa kut cu ka cungah a phan i a thlarau in a ka kalpi i ruh in a khatmi nel pakhat ah a ka chiah.

EZEKIEL 33:22

An rat lai zan ah cun Bawipa kut cu ka cungah a tlung i an ka phak tikah zinglei ah cun Bawipa nih holh khawhnak kha a ka pek ṭhan. Ka holh kho ṭhan cang i holh loin ka um ti lo.

EZEKIEL 8:1

Kum ruknak kum, thla ruknak thla, ni nganak ni ah inn ah ka ṭhu i Judah upa hna kha an ka leng.

1TIMOTE 4:1

Hmailei ah cun mi a cheu nih zumhnak kha an hlawt lai i lih a chimmi thlarau tu kha an bia an ngaih hna lai i khuachia cawnpiaknak kha an zulh lai, tiah Thlarau nih fiang tein a chim.

JOEL 1:1

Pethuel fapa Joel sinah Bawipa bia a phanmi:

HOSEA 1:1

Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami:

EZEKIEL 1:1

Kum sawm thum kum, thla linak thla, ni nga ni ah cun, saltangmi hna sinah Khebar tiva pawngah khan ka um i van kha aa hung i Pathian langhnak kha ka hmuh hna.

JEREMIAH 1:2

Amah sinah cun Bawipa bia cu Judah siangpahrang Amon fapa Josiah a bawi kum hleithum kum ah a phan;

JEREMIAH 1:4

Cun Bawipa bia cu ka sinah a ra i,

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

SALM 137:1

Babilon tiva hna kamah cun kan ṭhu i Zion kan ruah chel paoh ah kan ṭap tawn.

EZEKIEL 10:15

Cun cherubim cu an hung tho i annih cu Khebar tiva pawng i ka hmuhmi thilnung hna kha an si ko.

EZEKIEL 12:13

Sihmanhsehlaw ka sur in ka vorh lai i aa awh lai. Khaldi mi hna umnak Babilon ram ah khan, a hmu lai lo nain ka kalpi lai; cun khika ah khan a va thi lai.

EZEKIEL 43:3

A mui ka hmuhmi cu khuapi kha hrawh awk i a rat lio i ka hmuhmi bantuk kha a si. Kebar tiva pawng i ka hmuhmi bantuk kha a si i vawlei ah ka bawk.

DANIEL 10:4

Thla hmasa bik thla, a ni kul le ni linak ni ah cun tiva nganpi Tigris kamah cun ka dir,

JEREMIAH 29:15

“Nannih nih, Babilon ah Bawipa nih profet a kan pek ve ko, nan ti.

EZEKIEL 3:15

Cucaah saltang hna sinah cun Tel-abib ah ka phan i annih cu Khebar tiva pawngah an rak um. Ni sarih an sinah ka ṭhu i ka ar ko.

EZEKIEL 3:23

Cucaah ka tho i nelrawn ah cun ka vung kal; khika ah cun Khebar tiva pawng i ka rak hmuh bantuk khan Bawipa sunparnak cu a rak um kha ka hmuh i ka bawk.