EXODUS 4:18 - Lai (Hakha) Common Language Bible 2006

¹⁸ Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.

EXODUS 4:18 Referans Kwoze

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

1TIMOTE 6:1

Sal nih nan bawile cu hmaizah awktlak ah nan rel hna awk a si. Cuti nan tuah lo ahcun kan Pathian min le kan in cawnpiakmi hna kha thangchiatnak nan hmuhter sual hna lai.

LAMKALTU 16:36

Cucaah thonginn bawi nih khan Paul cu a chimh i, “Bawi pawl nih nawl an rak ka pek i nangmah le Silas kha rak thlah hna, an ka ti. Cucaah chuak u law dai tein nan khual tlawnnak dingah khan va kal u,” tiah a ti hna.

LAMKALTU 15:36

Cu hnu caan tlawmpal ah khin Paul nih Barnabas cu a thawh i, “Va kal ṭhan u si law Bawipa kong kan chimnak khua paoh ah khan kan unau hna kha va tlawng ṭhan hna u si law zeitindah an um ti kha va zoh hna u sih,” tiah a ti.

LUKA 7:50

Sihmanhsehlaw Jesuh nih minu cu a thawh i, “Na zumhnak nih khan an khamh cang, dai tein va kal ko,” tiah a ti.

1 SAMUEL 1:17

Cun Eli nih a leh i, “Dai tein va kal ko, Israel mi Pathian nih amah na halmi cu in pe ko seh,” tiah a ti.

GENESIS 45:3

Josef nih a unau pawl cu, “Josef ka si. Ka pa kha a nung rih maw?” a ti. Sihmanhsehlaw a unau pawl nih khan an ṭih tuk i zeihmanh an let kho lo.

EXODUS 2:21

Cuka um cu Moses nih cun a duh i Reuel nih khan a fanu Zipporah kha nupi ah a pek.

2 SIANGPAHRANG 5:19

Anih nih a thawh i, “Daihnak in va kal ko,” tiah a ti. Sihmanhsehlaw Naaman cu amah sin khan tlawmpal a kal ah khin,

BIACEIHTU 18:6

“Hnangam tein kal ko u. Nan kalhnawh chanmi hi, Bawipa mit tangah a um ko,” tiah a ti hna.

2 SIANGPAHRANG 5:10

Cun Elisha nih cun a sinah lamkal pakhat a hei thlah i, “Va kal law Jordan tiva ah voi sarih in vaa kholh, cun na titsa cu a dam lai i na thiang lai,” tiah a ti.