EXODUS 34:21 - Lai (Hakha) Common Language Bible 2006

²¹ “Ni ruk chung rian nan ṭuan lai, sihmanhsehlaw ni sarih ni ah cun nan ṭuan lai lo, leithuan caan le rawl ṭuan caan hmanh ah ni sarih ni ah cun rian nan ṭuan lai lo.

EXODUS 34:21 Referans Kwoze

EXODUS 23:12

“Ni ruk chung rian nan ṭuan lai, sihmanhsehlaw ni sarihnak ni ah cun nan ṭuan lai lo, nan cawtum hna le nan laa hna cu i din hna seh, cun nan sal hna le ramdang mi hna zong nih hrimhnak ah hmang hna seh.

LUKA 13:14

Pumhnak inn zohkhenhtu cu Jesuh nih Sabbath ni ah mi a damter caah khan a thin a hung i, “Rianṭuannak dingah ni ruk pei a um ko cu; cucaah cun cu ni ruk chungah cun tah nan rat i nan rak i damter; Sabbath ni ah hin cun ti hlah ngat u,” tiah mizapi cu a hun ti hna.

1 SAMUEL 8:12

Cun a thong pawl haotu hna le sawm nga pawl haotu hna kha aa chiah hna lai, cun a cheu cu a leithuangtu le a rawlṭuantu le a ral hriamnam sertu le a rangleng thilri sertu ah a chiah hna lai.

DEUTERONOMI 21:4

Cun cu khua upa hna nih cun cawla cu, ti a um zungzalnak, leh bal lomi le thlaici cin bal lonak nelrawn ah an kalpi lai i cuka nelrawn chungah cun cawla cu a hngawng an khiah lai.

EXODUS 35:2

‘Ni ruk chung nan rian kha nan ṭuan lai, sihmanhsehlaw ni sarih ni cu nan caah ni zarh a si lai, Bawipa sinah pekmi dinh ni a si. Cu ni i rian a ṭuanmi paoh cu thah a si lai.

LUKA 23:56

Cun inn ah an ṭin i a ruak caah khan zihmui le sathau kha an timh. Sabbath ni ah cun Nawlbia bangin an i din.

ISAIAH 30:24

Nan lei a thuangtu cawtum hna le laa hna nih khan cawhlek le fungṭe in an thianhmi ram rawl ṭha bikbik kha an ei lai.

GENESIS 45:6

Ram chung i mangṭam a tlun hi a kum hnihnak lawng a si rih, a dang kum nga a um rih lai i cu chungah cun lothlawh zong a um lai lo, rawl ṭuan zong a um lai lo.

EXODUS 31:15

Ni ruk chung rian nan ṭuan lai, sihmanhsehlaw ni sarih ni cu dinhnak ni, Bawipa ni zarh a si. Hi ni ah rian a ṭuanmi paoh cu thah a si lai.

LEVITIKAS 23:3

Ni ruk chung rianṭuan a si lai; sihmanhsehlaw ni sarihnak ni ah cun dinh zirziarnak sabbath, pumhnak thiang a si lai; rian zeihmanh nan ṭuan lai lo; nan umnak cio ah Bawipa ca sabbath a si.

NEHEMIAH 13:15

Khi caan ah khan Judah ram chungah sabbath ni i mitsur hang an nen i rawl kha tam piin an rak phorh i laa cung i an chuan hna kha ka hmuh; cun mitsur hang le mitsur thei le theipi le thilrit a phunphun, Jerusalem i sabbath ni i an rak phorh zong kha ka hmuh fawn; cun rawl an zuar ni ah cun ralrinnak ka pek hna.