Biblia Todo Logo
Bib sou entènèt

- Piblisite -




EXODUS 34:15 - Lai (Hakha) Common Language Bible 2006

15 Ram chungmi hna he khan hnatlaknak zeihmanh nan tuah lai lo, zeicahtiah an pathian an biak hnanak ah khan hlawhhlangnu bantukin an um i an pathian hna sinah raithawinak an tuah tikah an in sawm hna lai i an raithawinak sa kha nan va ei sual lai.

Gade chapit la Kopi




EXODUS 34:15
36 Referans Kwoze  

Asinain annih nih an biaceihtu hna bia cu an ngai hlei lo; annih nih pathian dang sinah khan hlawh an hlang ṭhiamṭhiam ko i annih hmaiah khan an kun ṭhiamṭhiam ko; Bawipa nawlbia a rak ngaimi an pupa hna nih an rak zulhmi lam khan an pial zau i annih tuah bantuk khan an tuah lo.


Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.


Cun Pathian mi pawl nih khan Peor ah cun Baal kha an biak ve i nunnak a ngei lomi pathian hna sinah rai an thawimi sa kha an ei ve.


Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.


Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.


Pathian a zum lomi nih rawlhrawn an in sawm ahcun an in hunhmi paoh kha va ei ko, na chiaṭha thleidannak ruangah zeihmanh bia va hal hna hlah.


A biana ah, mipa pakhat, a chiaṭha thleidannak a dermipa nih, siasal biaknak inn i nannih “hngalhnak a ngeimi hna” rawl nan ei cu an hmuh hna; cu nih cun bawlnak sa cu ei awk a si ko tiah a forh lai lo maw?


Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.


Zeihmanh ruahnak ngei loin hlawh a hlan le vacung pa duh bantuk a simi lung le thing a biaknak thawng khan ram cu a thurter.


Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.


Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.


Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.


Israel mi hna, lawkih mi bantukin puai nan tuahmi hi ngol u. Zeicahtiah nan Pathian cu nan hlawt i a cungah khan zumhawktlak loin nan um. Nan ram chung dihlak ah hin hlawhhlangnu bantukin Baal sinah nan i zuar i an phalhmi hna rawl kha nan i lawmhpi.


Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.


Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.


Cun annih nih vancung Pathian sinah khan raithawinak rim thaw kha an pekchanh i siangpahrang le a fapa hna nunnak caah thla an cam nakhnga, vancung Pathian sin i khangh thawinak caah a herhmi paoh cawtum no si hna seh, tuukawng si hna seh, tuu si hna seh, changvut si seh, cite si seh, mitsur hang si seh, chiti si seh, Jerusalem i tlangbawi hna nih an herh ningin nifate in pel lo tein nan rak pek hna lai.


Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.


cun nannih nih hmumbor kha nan zoh lai i Bawipa nawlbia vialte kha tuah awkah nan hngalh ṭhan lai, i sum loin zulh nan duh tawnmi nanmah nan lung duhnak le mit duhnak kha nan zul ti lai lo.


Bawipa nih cun aa thawh i, “Nanmah he biakamnak ka ser lai. Nan mi hna dihlak hmaiah, vawleicung khuazeihmanh ah le miphun aho lak hmanh ah tuah bal lomi khuaruahharnak kha ka tuah hna lai. Na sin i a ummi vialte nih khan Bawipa nih zeidah ka tuah khawh ti kha an hmuh lai, zeicahtiah nangmah caah thil lianngan ka tuah hna lai.


Anmah he biatlaknak zeihmanh nan tuah lai lo, an pathian hna he zong biatlaknak zeihmanh nan tuah lai lo.


Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.


“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.


Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.


Israel nih Shittim ah an um lioah Moab fanu hna he khan hlawh an hlang ṭi.


Annih he nan i ṭhi-um lai lo, an fapa hna kha nan fanu hna cu nan pe hna lai lo, an fanule zong nan fapa hna caah nan la fawn hna lai lo.


Cu tikah, ‘An pathian hna, an i dornak lungpi cu, Khuazei ah dah an si kun,


An raithawinak thau a ei i An thlet pekchanhnak mitsur hang a dingtu hna cu khuazei ah dah an si kun? Tho tuah hna seh law, in bawm tuah hna ngat seh, Na himnak si tuah hna ngat seh!


Nan i mer i hika ah nannih lakah a tang rihmi miphun hna hi nan fonh hna i nan ṭhit nan lak hna i an nu hna kha nan ṭhit hna i annih nih an in ṭhit ve hna ahcun,


an fanule cu nupi ah an ṭhit hna i an fanu hrimhrim hna cu, cu hna i an fapale sinah khan an pek hna; cun an pathian zong kha an biak hna.


Sihmanhsehlaw an pupa hna Pathian cungah khan an sual i an hmaiah Pathian nih a hrawhmi hna ram chung i a ummi pathian hna sinah khan hlawh an hlang.


Cucaah nan fanu hna cu an fapa hna kha pe hna hlah u law, an fanu hna zong nan fapa hna caah la hna hlah u, cun kan ṭhawng lai i ram chung thil ṭha cu kan ei hna lai i kan tefa hna cu zungzal ca in ro ah kan roh hna lai tiin annih he remnak siseh, rumnak siseh kawl hlah u,’ tiah na timi kha kan hlawt hna.


“Saram he nu le pa a simi cu thah an si lai.


Ṭhat lonak an tuahmi vialte ruangah, pathian dang hna leiah an i mer caah, khi ni ah ka hmai cu ka thuh hrimhrim lai.


Swiv nou:

Piblisite


Piblisite