EXODUS 33:19 - Lai (Hakha) Common Language Bible 2006

¹⁹ Bawipa nih cun, “Kaa dawhnak vialte kha na hmai in ka lanhter duahmah hna lai i na theih hngan hrimhrim ah ka min cu Bawipa a si ti kha ka chim lai. Zaangfah ka duhmi kha ka zaangfah hna lai i vel ngeih ka duhmi kha vel ka ngeih ko hna lai,” a ti.

EXODUS 33:19 Referans Kwoze

JEREMIAH 31:14

Tlangbawi hna cu hi ram thau kha ka vuaiter hna lai i Ka mi hna cu ka ṭhatnak in an khim lai,” tiah Bawipa nih a ti.

JEREMIAH 31:12

Zion tlang par ah cun lawmhnak aw thawng he an ra lai, Bawipa nih ṭhatnak tampi a pek hna caah hmaipanh ngaiin an ra lai, Ṭhatnak a pekmi hna cu rawl le mitsur hang thar le chiti le tuurun chung i a no tete le cawrun chung i a no tete tampi kha an si. Ti toihmi dum bantuk an si lai i zeihmanh an chambau bal ti lai lo.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

ISAIAH 12:4

Ni khatkhat cu mi nih hitin hla an sak ni a phan te lai: “Bawipa cu thangṭhat ko u, Amah kha bawmhnak hal u. Miphun vialte kha a tuahmi chim hna u, zeitluk in dah a lianhngan ti kha chim hna u.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

ROM 9:23

Cun a sunglawimi a sunparnak zong kha langhter a duh i a kan zaangfahmi kannih cungah khan cu a sunparnak cu a kan toih, kannih cu a sunparnak hmu dingin a kan timhmi cu kan si.

SALM 65:4

Nangmah nih na thimmi hna cu an lung aa lawm, na hmunthiang ah na umtermi hna mi lunglawm an si! Na inn chung i a ummi thil ṭha cu kan khim lai i a thiangmi na biakinn chung thil ṭha cu kan i zaa lai.

SALM 25:13

Nun nuam tein an um lai i an fale cu hi ram chungah hin him tein khua an sa lai.

DEUTERONOMI 32:3

Zeitintiah Bawipa min kha ka thanh lai. Lianngannak cu kan Pathian pe ko u!