EXODUS 33:14 - Lai (Hakha) Common Language Bible 2006

¹⁴ Bawipa nih cun a thawh i, “Na sinah keimah ka kal lai i teinak kan pek lai,” a ti.

EXODUS 33:14 Referans Kwoze

JOSHUA 21:44

Cun Bawipa nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah Bawipa nih an ral hna cu an kut chungah a pek hna.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

MATTHAI 11:28

“Rethei le thilrit mi vialte hna, ka sinah ra tuah u, dinhnak kan pek hna lai.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

SALM 95:11

Ka thin a hung i, “Dinhnak ka pek hnanak ding ram chungah cun an lut hrimhrim lai lo,’ tiin chiatser in bia ka chim,” a ti.

JOSHUA 22:4

Cun atu cu Bawipa nan Pathian nih nan unau hna kha bia a kam hna bangin dinhnak a pek cang hna; cucaah kir cang u law, Bawipa sal Moses nih Jordan tiva khattelei ral ah an pekmi hna nan covo a umnak ram i nan inn ah khan kal tuah u.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

EXODUS 13:21

Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho.

JOSHUA 23:1

Caan saupi hnuah, Bawipa nih Israel mi hna cu an velchum i an ral hna sinin dinhnak a pek hna tik le Joshua cu a upat i a tar ngaingai tikah,

DEUTERONOMI 3:20

Bawipa nih nanmah bantukin nan unau hna cu dinhnak a pek hna i Bawipa nan Pathian nih Jordan tiva ral ah ram a pekmi hna an co hlantiang, an taang lai; khi tikah nan dihlak in kan pekmi hna nan covo cio ah khan nan kir lai,’ tiah ka ti.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,

DEUTERONOMI 12:10

Sihmanhsehlaw Jordan tiva nan tan tik i Bawipa nan Pathian nih co awkah an pekmi hna ram chungah nan um tikah le, him tein nan um nakhnga, nan pawngkam i nan ral vialte hna sinin dinhnak an pek hna tikah,

DEUTERONOMI 25:19

Cucaah nan velchum i a ummi nan ral hna lakin Bawipa nan Pathian nih ro ca i co awkah an pekmi hna ram chungah, Bawipa nan Pathian nih dinhnak an pek hna tikah, vanrang toi in Amalek hngalh camcinnak cu nan hloh awk a si lai; va philh hlah u.

DEUTERONOMI 31:8

Na hmaiah a kalmi cu Bawipa a si; na sinah a um lai i an deuh lai lo i an hlaw fawn lai lo; ṭih hlah, na lung zong dong hlah,” tiah a ti.

JEREMIAH 31:2

Mah hihi Bawipa bia cu a si: Vainam in a luatmi hna nih khan thetse ram ah zaangfahnak an hmuh; Israel mi hna nih dinhnak kha an duh tikah,

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

DANIEL 12:13

Nang cu a donghnak tiangin zumhawktlak tein um ko. Cun na thi lai i chan donghnak caan ah na hmuh awk hnga kha co awkah nang cu na tho te lai,” tiah a ti.