EXODUS 30:8 - Lai (Hakha) Common Language Bible 2006

⁸ Cun zanlei i meiinn a van hna zongah khan a khangh fawn lai. Hi zihmui khangh thawinak hi nan tefa chan vialte tiangin ngol loin nan tuah zungzal lai.

EXODUS 30:8 Referans Kwoze

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

1THESALON 5:17

a zungzal in thlacam u,

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

EXODUS 12:6

Atu thla ni hleili ni tiang hi, nan i chiah hna lai i cu ni zanlei ah cun Israel mi vialte nih cu sa cu nan thah cio hna lai.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

EXODUS 30:7

Aaron nih meiinn kha a zohkhenh hna tikah hi biakṭheng cungah hin zingfate in zihmui kha a khangh lai.

EXODUS 30:9

Hi biakṭheng cungah hin khammi zihmui zeihmanh nan khang lai lo, saram khangh thawinak zeihmanh nan khang lai lo i ei awk thawinak zong zeihmanh nan pechan lai lo. Cun din awk thawinak zong zeihmanh a cungah hin nan thle lai lo.

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.

2 CHANRELNAK 26:18

cun Siangpahrang Uzziah cu an donh i, “Uzziah, nangmah nih Bawipa sinah zihmui khangh cu na tuah awk a si lo, sihmanhsehlaw Aaron fapa hna tlangbawi hna zihmui khangtu ding i thiantermi hna lawnglawng nih khan an tuah awk a si. Thil hmaan lo na tuah caah hmunthiang chung hin chuak tuah, cun hi nih hin Bawipa Pathian sinin upatnak zeihmanh an tlunh lai lo,” tiah an ti.

SALM 141:2

Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko.

EXODUS 25:37

Mei vannak tung caah cun meiinn pasarih na ser hna lai i na chiahning hna cu hmailei ceuh hna seh tiin a si lai.