EXODUS 28:43 - Lai (Hakha) Common Language Bible 2006

⁴³ Aaron le a fapa hna nih khan pumhnak thlam chung i an luh fate le hmunthiang chung i tlangbawi rian ṭuan awkah biakṭheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.

EXODUS 28:43 Referans Kwoze

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

EXODUS 20:26

Ka biakṭheng ah hleihlak in nan kai lai lo, cu ti nan kai ahcun ka biakṭheng ah cun nan chiaṭha kha nan langhter sual lai,’ a ti, tiah chim hna,” a ti.

LEVITIKAS 5:17

“Ahohmanh nih Bawipa nih tuah lo awk i nawl a pekmi tuahnak in a sual ahcun, a hngalh lo hmanh ah, a mawh ko, a ṭhat lonak cu amah nih a in lai.

NAMBAR 18:22

Cun atu thawk in Israel mi hna cu tonnak thlam pawngah an ra ti lai lo, an sualnak mawh phor in an thi sual hnga.

LEVITIKAS 22:9

Biakinn cu an thurhhnawmh ruangah sual an huah i a chungah an thih sual nakhnga lo, ka nawlbia cu an ulh lai, keimah cu Bawipa ka si, keimah nih ka thianter hna.

LEVITIKAS 17:7

Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.

LEVITIKAS 5:1

“Ahohmanh nih thil a hmuhmi ah siseh, a hngalhmi ah siseh, hngaltu a si i zapi hmaiah chiatsertertu aw a theih zongah a chim duh lo ahcun, a sual a ṭhat lonak kha amah nih a in lai.

NAMBAR 9:13

Sihmanhsehlaw a thiang a si i khual a tlawng lo nain lanhtak puai ulh loin a um menmi cu, cu mi cu a mi hna sinin hlonh a si lai, zeicahtiah Bawipa sin pekchanhnak cu a caan khiahmi te ah khan a pek lo caah; mah mi nih cun a sualnak cu a phorh ko lai.

EXODUS 30:21

An thih sual nakhnga lo an kut le an ke kha an i ṭawl awk a si lai. Hi phung hi anmah le an tefa hna nih zungzal in an zulh awk hnga phung a si,” a ti.

LEVITIKAS 16:13

rimhmui cu Bawipa hmai i mei ah cun a paih lai, rimhmui khu nih cun biahngalhternak cung i velngeihnak ṭhutdan cu a khuh i a thih sual nakhnga lo caah a si lai,

EZEKIEL 44:17

Chunglei tual kutka chung i an luh tikah puan hmangṭhia in an i thuam lai; chungchin tual kutka le chungchin tual chungah ka rian an ṭuan tikah sahmul puan an i hruk lai lo.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

LEVITIKAS 22:15

Tlangbawi hna nih Israel mi hna thil thiang, Bawipa sinah an pekchanhmi cu an thurhhnawmh hna lai lo,

NAMBAR 15:15

Hi mibu chungah, nannih caah le nannih an pemmi hna khual caah nawlbia pakhat a si lai, nan tefa chin tiangin a dong lo nawlbia a si lai. Bawipa hmaiah mipem zong cu nanmah bantuk an si ve lai.

NAMBAR 18:8

Cun Bawipa nih Aaron cu, “Zoh-hmanh, keimah sin i pekchanhmi thil hna chungin khangh lomi paoh cu nangmah kan pek, Israel mi hna an thil thiang vialte cu; mah thil hna cu na vo ah nangmah kan pek i an hmuh camcin awkah na fapale kha ka pek hna.

NAMBAR 18:32

A ṭha bikmi cu nan pekchanh tikah, sualnak mawhnak cu nan phor lai lo. Cun Israel mi hna thil thiang cu nan thurhhnawmh lai lo, nan thi sual hnga,” tiah a ti.