EXODUS 28:15 - Lai (Hakha) Common Language Bible 2006

¹⁵ “Cun biakhiahnak ṭangbenh timi na ser lai; tlangbawi angki bantuk khan ṭha tein ṭamhmi a si lai. Sui le tuuhmul a dummi le sendung a simi le a senmi le khumla a hrual hmang ṭhia in na ser lai.

EXODUS 28:15 Referans Kwoze

LEVITIKAS 8:8

Cun ṭangbenh kha a cungah a benh i ṭangbenh chungah cun Urim le Thummim kha a chiah hna.

EXODUS 28:30

Biakhiahnak ṭangbenh chungah cun camcawhnak Urim le Thummim kha na chiah hna lai i Aaron cu Bawipa umnak chung i a vung luh tikah annih cu a ṭang cungah khan an um lai. Bawipa hmaika i a um tikah Aaron nih khan a ṭang cung in, Israel mi hna ca i biakhiahnak thilri kha aa phorh zungzal lai.

EXODUS 28:6

“Tlangbawi angki cu sui le tuuhmul a dum, sendung le a senmi le khumla hrual thawi in ṭamhmi in an ser lai.

EXODUS 28:4

An ser hngami thuam cu hihi an si lai: ṭangbenh pakhat, angki thiang pakhat, puan pakhat, angki chung nawh ṭamhmi pakhat, lupawng pakhat le taisawm pakhat an si lai. Na u Aaron le a fapa hna nih khan ka tlangbawi rian cu an ṭuan khawh nakhnga thuam cu an serpiak hna lai.

EXODUS 26:1

“Puan biakinn kha, khumlahrual a hmang a ṭhiami le tuuhmul a mui a dum, maimaw le a sen a simi in tahmi puan zun hra in na ser lai. Cun hi puan cungah cun cherubim kha dawh tein nan suai hna lai.

EXODUS 25:7

karnelian lungvar le tlangbawi ngan angki thiang le ṭang benh i hman awk lungvar.

EXODUS 28:14

hri bantukin hrualmi sui hri pahnih zong na ser fawn hna lai; cu sui hrihrual cu a tlangkawm ah khan na ngerh hna lai.

EXODUS 28:16

Tungvangpalh a si lai i a bil in bil awk a si lai, lehhmah pakua a sau lai i lehhmah pakua a kau lai.

EXODUS 29:5

Cun Aaron cu a puan kha na phoih lai i angki kha na hruk lai, cun tlangbawi angki khuhtu puanfual kha na aihter lai i tlangbawi angki kha na hrukter lai, cun ṭangbenh kha aa benh lai i taisawm kha aa somh lai.

EXODUS 26:36

Thlam luhnak innka ca zongah tuuhmul a sen, a dum, senduk le khumla hrual hmang ṭhia in innka zar na ser hna lai i ṭha tein na ṭamh hna lai.