EXODUS 28:11 - Lai (Hakha) Common Language Bible 2006

¹¹ Sui sertu hna thiamnak le minkhenhnak sertu hna thiamnak in, lungvar pahnih hna cungah cun Israel fapa hna min cu na ṭial hna lai i lungvar cu sui tlangkawm chungah na ṭhutter lai.

EXODUS 28:11 Referans Kwoze

BIAPHUAN 7:2

Cun nichuahlei in vancungmi a dang pakhat a nungmi Pathian cakhenhnak he a rat kha ka hmuh. Pathian nih vawlei le rili hrawh khawhnak nawl a pekmi vancungmi pali kha aw fak piin a auh hna.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

ZEKHARIAH 3:9

Ni khat ah ram chung sualnak kha ka thianh lai. Joshua hmai i ka chiahmi lung kha hika ah hin a um ko, a chung i mit mit sarih a ummi lung kha.

JEREMIAH 22:24

“Ka nun bangin,” tiah Bawipa nih a ti: Jehoiakim fapa Koniah, Judah Siangpahrang cu ka orhlei kut cung i min khenhnak kutdonghrolh na si ti lai lo. Koniah, nangmah cu kan phawi lai.

EXODUS 39:18

sui hri khattelei an donghnak cu sui tlangkawm ah khan an hren veve hna i cuticun tlangbawi angki liang bahnak hnam pahnih hna hmailei ah khan an ṭem chih hna.

EXODUS 39:13

a tlar linak ah beril le oniks le jasper an si. Sui tlangkawm chungah ṭhutter an si.

EXODUS 39:6

Karnelian lungvar kha an remh hna i sui tlangkawm chungah khan an benh hna, min khenhnak bantukin an ṭial hna i an cungah cun Israel fapa hna an min kha an ṭial.

EXODUS 28:36

“Cun sui thiang in ṭamhnak pakhat na ser lai i a cungah, “Bawipa sin pekmi” tiah na ṭial lai.

EXODUS 28:25

Cun sui hri hrual khattelei par pahnih hna cu sui tlangkawm ah khan na khih hna lai i cuticun tlangbawi angki liangbahnak hnam ah khan a hmailei in na hren lai.

EXODUS 28:21

Lungvar cu hleihnih an si lai i an cungah khan Israel fapale min kha an i ṭial lai. Lungvar cu Israel fapa hna zat kha an si lai i lung khat cungah khan Israel fapa hna lak i pakhat min paoh kha aa ṭial lai, min khenhnak cung min ṭial bantuk khin ṭial an si lai.

EXODUS 28:10

lung khat ah min ruk, a dang lung khat ah min ruk na ṭial hna lai i cu na ṭialmi hna cu an chuahning cio khan a si lai, a chuak hmasami kha hmasa deuh ah na ṭial hna lai.

EXODUS 28:12

Israel fapale hna kha philh lonak dingah, cu lungvar pahnih cu angki liang i bahnak a hnam ah khan na ṭhit chih hna lai. Cuticun Aaron nih khan an min cu a liang cungah aa chonh zungzal hna lai i Pathian nih a hngalh zungzal hna lai.

JOB 19:24

Zungzal a hmun dingin thir cafung le suan in Lung cungah khenh si hna seh law ka hei duh dah!