EXODUS 16:21 - Lai (Hakha) Common Language Bible 2006

²¹ Zing fate in an char hna i anmahle an i zat awk tawk cio khan an char hna, ni a hung linh tikah cun an ti dih.

EXODUS 16:21 Referans Kwoze

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

JOHAN 12:35

Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

PHUNGCHIMTU 12:1

Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

EXODUS 16:20

Asinain a cheu nih cun Moses bia kha an ngai lo i a cheuchum kha a thaizing tiang an i chiah. A thaizing ah cun tholung an khat dih i an rawk dih. Moses cu an cungah khan a thin a hung.

EXODUS 16:22

Ni ruk ni ah cun rawl cu, voi dang i an char tawnmi a let hnih in an char, pakhat caah omer pahnih cio ah an char. Israel mi hruaitu vialte hna kha Moses sinah cun an ra i cu kong cu an ra chimh.