EXODUS 12:43 - Lai (Hakha) Common Language Bible 2006

⁴³ Bawipa nih Moses le Aaron cu a thawh hna i, “Lanhtak Puai tuah ningcang cu hi bantukin a si lai: Ramdangmi ahohmanh nih an ei lai lo,

EXODUS 12:43 Referans Kwoze

EXODUS 12:48

Ramdangmi pakhatkhat nan sinah a um i Bawipa sinah lanhtak puai kha tuah a duh ve ahcun a sin i a ummi pa vialte kha an cuarpar nan tan hmasa hna lai i cu hnuah cun puai ah cun aa tel kho lai; amah cu Israel mi taktak bantukin nan zoh lai. Sihmanhsehlaw cuarpar tan lomi nih cun an ei hrimhrim lai lo.

NAMBAR 9:14

Cun nan lakah khual pakhat a pem i Bawipa sin lanhtak puai cu a nawlbia le a phunglam ning in ulh a duh ve ahcun, cu bantuk cun tuah ko seh; mipem ca le mah ram mi caah nawlbia pakhat lawng nan ngeih awk a si lai,” tiah a ti.

EXODUS 12:11

Cun nan eining cu hi ti hin a si lai: nan puan kha nan i sawihnawt lai i nan kedan kha nan i danh lai i nan ṭhiangṭhunh kha nan i put lai, cuticun khulrang in nan ei lai. Cu puai cu Bawipa ca i Lanhtak Puai a si.

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

LEVITIKAS 22:10

“A lengmi nih thil thiang cu a ei lai lo. Tlangbawi sin i khua a sami nih siseh, kuli a ṭuanmi nih siseh, thil thiang cu an ei lai lo;

1 SAMUEL 2:27

Cun Eli sinah Pathian mi pakhat a ra i amah sinah cun, “Hi bangin Bawipa nih a ti, Izipt ram i Farote chung sal i an um lioah khan, na pa chungle hna sinah keimah hrimhrim kaa langhter.

2 CHANRELNAK 30:18

Zeicahtiah mi tampi, Efraim mi, Manasseh mi, Issakhar mi le Zebulun mi tampi hna cu an i thianh lo i asinain a ningcang si lo khan lanhtak puai cu an ei ve ko. Zeitintiah Hezekiah nih annih cu thla a campiak hna i,

EZEKIEL 44:7

Cu hleiah ramdangmi kha nan i ratpi fawn rih hna; annih cu lungthin in siseh pum in siseh cuarpartan lomi an si, ka hmunthiang ah khan nan dir i ka rawl kha a thau he a thi he nan ka pek tikah ka inn kha an thurhhnawmh i ka biakamnak kha pakpalawng ah nan ser.

LEVITIKAS 22:13

Sihmanhsehlaw tlangbawi fanu cu nuhmei maw, makmi maw a si i fa a ngeih lo i a ngaknut lio bantukin a pa inn ah a kir ṭhan ahcun, a pa rawl cu a ei ve ko lai; sihmanhsehlaw a lengmi nih cun ahohmanh nih an ei lai lo.