EXODUS 12:39 - Lai (Hakha) Common Language Bible 2006

³⁹ Izipt ram in an i chuahpimi thilnu telh lo changnawn kha changreu ah an ser. Izipt ram in khulrang tuk in an ṭhawl hna caah khan thilnu cu an phulh lo. Rawl i timhlamhnak caan zeihmanh an ngei lo.

EXODUS 12:39 Referans Kwoze

EXODUS 11:1

Bawipa nih Moses cu a thawh i, “Faro le Izipt mi hna cungah hin dantatnak pakhat lawnglawng ka tlunter rih lai. Cu hnuah cun an kalter ko hna lai. An kalter hna tikah cun a ṭhawl in an ṭhawl hna lai.

EXODUS 6:1

Cun Bawipa nih Moses cu a thawh i, “Atu cu Faro cungah zeidah ka tuah lai ti kha na hmuh cang lai. Annih kalter dingah khan a hnek hrimhrim in ka hnek lai. A ram chungin a ṭhawl hrimhrim in an ṭhawl hna lai,” a ti.

MATTHAI 13:33

Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

EXODUS 12:34

Cucaah Israel mi nih cun thilnu phulh lo changnawn cu a kheng in an puan in an fun hna i an liang in an put hna.