EFESA 5:21 - Lai (Hakha) Common Language Bible 2006

²¹ Khrih nan upat ruangah pakhat le pakhat i nawl thiam u.

Laibaibal Thiang (BSI)

²¹ Pathian ṭihzahbu tein pakhat le pakhat i hmaizah u.

EFESA 5:21 Referans Kwoze

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

EFESA 5:24

Cucaah khrihfabu nih Khrih tangah aa dor bantukin nupile zong nih nan vale tangah tling tein nan i dor awk a si.

EFESA 5:22

Nupi hna, Bawipa tang i nan i dor bantukin nan vale tangah i dor u.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

HEBRU 13:17

Nan hruaitu pawl kha an bia ngai hna u law an nawl zul hna u. An rianṭuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an ṭuan lai, nan ngaih hna lo ahcun ngaihchia in an um lai i cucu nan caah a ṭhahnem lai lo.

1 PETER 2:17

Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.

1TIMOTE 3:4

a innchungkhar ṭha tein a zohkhenh khomi a si lai i a fale nih a nawl an ngaihmi le an upatmi a si lai.

GALATI 5:13

Ka u le ka nau hna, nannih cu luat dingin kawhmi nan si. Asinain cu luatnak cu nan pumsa duhnak ca i caan ṭha men ah khan hmang hlah u. Pakhat le pakhat kha dawtnak in nan rian tu i bawm u.

1TIMOTE 2:11

Nu cu cawnpiaktu si loin a cawngtu an si awk a si, cun an cawn tikah daite le toidornak lungthin ngei in an cawn awk a si.

1 KORIN 16:16

hi bantuk mi hna le anmah he rian a ṭuan ṭimi hna hruainak kha va zul u.

PHUNGTHLÛKBIA 24:21

Ka fapa, Bawipa le siangpahrang cu ṭih hna, anmah a dohtu hna he khan i kom hlah;

NEHEMIAH 5:15

Keimah hlan i a rak ummi uktu bawi hna nih cun mi zapi cungah khan thilrit an chuan i annih sin cun ngun shekel sawm li hleiah rawl le mitsur hang kha an lak hna. An sinum hna hmanh nih mi zapi cu an lalhnawh hna. Sihmanhsehlaw kei nih cun Pathian ka ṭih caah cu bantuk cun ka tuah lo.

2 CHANRELNAK 19:7

Cucaah Bawipa ṭihnak cu nan cungah um seh; nan tuahmi kha i ralring u, zeitintiah Bawipa kan Pathian sinah cun biading merh siseh, duhdanh ngeih siseh, ziknawh siseh, a um lo,” tiah a ti.

1 PETER 2:13

Bawipa ruangah, nawl a ngeimi hna kha, an nawl ngai ko hna u, nawl ngeihnak sang bik a ngeimi Siangpahrang kha a nawl ngai u law

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

NEHEMIAH 5:9

Cucaah ka thawh hna i, “Nannih nih nan tuahmi hi a ṭhalo. Kannih kan ral miphun dang hna mit hmuh soisel awk um lo kan si nakhnga Pathian ṭih bu tein nan nun awk a si.

1 CHANRELNAK 29:24

Haotu vialte le miṭhawng hna le Siangpahrang David fapa hna zong nih khan Siangpahrang Solomon sinah zumhawktlak in kan um lai tiah bia an i kam.

GENESIS 16:9

Cun vancungmi nih cun, “Sarai sinah cun va kir ṭhan law a kut tangah ṭha tein va um,” a ti.

2 KORIN 5:11

Bawipa ṭih cu zeidah a sullam a si ti kha kan hngalh i cucaah mi kha lem kan i zuam lengmang hna. Pathian nih tling cikcek tein a kan hngalh; cu bantukin nannih zong nih nan lung chungte cun nan ka hngalh ve tiah ka ruah.