EFESA 4:21 - Lai (Hakha) Common Language Bible 2006

²¹ Amah kong cu nan theih i amah zultu nan si bantukin Jesuh chung i a ummi biatak cu cawnpiak nan si.

Laibaibal Thiang (BSI)

²¹ Amah cu nan theih i Amah cawnpiakmi nan si taktak ahcun, Jesuh i a ummi biatak bang khan,

EFESA 4:21 Referans Kwoze

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

KOLOSE 2:7

Amah chungah hram thukpi in thla u law amah cungah nan nuncan cu inn bantukin sa u law an rak in cawnpiak hna bang khan nan zumhnak ah ṭhawng chin lengmang ko u. Cun lunglawmhnak in khat u.

JOHAN 14:17

Amah cu biatak phuangtu thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw amah cu nan sinah a um i nan chung i a nun caah nannih nih cun nan hngalh.

2 KORIN 11:10

Hi kaa porhlawtnak hi Grik ram chung khuazeihmanh ah ahohmanh nih an daihter kho lai lo tiah Khrih biatak ka chung i a ummi hin kaa kam.

2 KORIN 1:20

zeicahtiah amah cu Pathian biakamnak dihlak ah khan “E” a si. Cu ruangah cun kannih nih Jesuh Khrih thawngin Pathian thangṭhatnak ah khan, “Amen,” kan ti tawn kha a si.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

SALM 45:4

Biatak le biading kha hmunhter awkah na tei tiang lianhngannak in hmailei ah kal tuah. Na ṭhawnnak nih teinak ngan pipi an hmuhpiak lai.

ROM 10:14

Asinain, an zumh lo ahcun zeitindah a min cu an auh khawh lai? Cun bia kha an theih lo ahcun zeitindah an zumh khawh lai? Cun bia cu chimh an si lo ahcun zeitindah an theih khawh lai?

EFESA 2:17

Cuticun Khrih cu a ra i mi vialte sinah Thawngṭha cu a chim — Pathian he aa hlatmi nannih Jentail mi zong an chimh hna i Pathian he aa naihmi nannih Judah mi zong an chimh hna.

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

KOLOSE 1:6

Thawngṭha nih hin Pathian vel nan theih kate le cucu zeidah a si taktak ti nan hngalh ri in nan cungah rian a ṭuan bantuk khan, vawlei cung dihlak zongah a karh i thluachuahnak kha a pek hna.