EFESA 1:13 - Lai (Hakha) Common Language Bible 2006

¹³ Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

Laibaibal Thiang (BSI)

¹³ Nannih zong biatak bia nan khamhnâk thawngṭha kha nan theih hnu ah Amah kha nan i bochan i zumh zong nan zumh hnu ah, kamhmi Thiang Thlarau in hmelchunh nan si.

EFESA 1:13 Referans Kwoze

2 KORIN 1:22

Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

TITAS 2:11

Zeicahtiah Pathian nih a vel cu mi vialte khamhnak caah a phuan cang.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

JOEL 2:28

“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

LUKA 24:49

Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in ṭhawnnak kha nan cung i a tlun hlantiang khuapi chung hin hngak ko u,” tiah a ti hna.

SALM 119:43

Ka rak i ruahchanmi cu na biakhiahnak kha a si zungzal caah biatak cu ka chim zungzal khawh nakhnga ka bawm.

1 PETER 2:10

Hlanah cun nannih cu Pathian mi nan rak si lo, sihmanhsehlaw atu cu nan si cang; hlanah cun Pathian zaangfahnak kha nan rak hngal lo, sihmanhsehlaw a tu cu zaangfahnak kha nan hmuh cang.

ROM 6:17

Sihmanhsehlaw Pathian cu lawm cio ko u sih. Zeicahtiah nannih cu sualnak sal nan rak si nain cawnpiaknak nan hmuhmi chung i a ummi biatak kha nan lungthin dihlak in nan zulh cang.

LAMKALTU 1:4

Cun an sin i a um lioah khan hi nawlbia hi a pek hna i, “Jerusalem khua hi chuahtak hlah u, ka Pa nih a rak in kamhmi hna laksawng ka rak in chimhmi hna tu kha hngak ko u.

JOHAN 15:26

“Ka Pa sinin a rami Bawmtu, biatak Phuangtu Thlarau cu a ra lai. Ka Pa sinin nan sinah ka rak thlah lai i keimah kong kha an chimh hna lai.

LAMKALTU 13:26

“Ka u le ka nau hna, Abraham tefa hna le hika i a ummi Jentail mi vialte, Pathian a biami hna: hi khamhnak bia hi kanmah hi pei pek kan si cu.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

LUKA 11:13

Hi tluk i nan ṭhalo ko na hin nan fale kha thil ṭha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai,” tiah a ti.

BIAPHUAN 7:2

Cun nichuahlei in vancungmi a dang pakhat a nungmi Pathian cakhenhnak he a rat kha ka hmuh. Pathian nih vawlei le rili hrawh khawhnak nawl a pekmi vancungmi pali kha aw fak piin a auh hna.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

2TIMOTE 3:15

na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.

2TIMOTE 2:15

A rian a zahpi lomi, Pathian biatak hmaan tein mi a cawnpiaktu saya bantukin Pathian hnatlaknak kha na hmuh khawh nakhnga fak piin i zuam.

EFESA 4:21

Amah kong cu nan theih i amah zultu nan si bantukin Jesuh chung i a ummi biatak cu cawnpiak nan si.

2 KORIN 6:7

biatak kan chimnak le Pathian ṭhawnnak nih khan Pathian sal kan sinak cu an langhter fawn. Raldohnak caah siseh, kanmah ralvennak caah siseh kan hmanmi cu dinnak a si.

JOHAN 3:33

A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.