DEUTERONOMI 21:21 - Lai (Hakha) Common Language Bible 2006

²¹ Khi tikah khuachung pa vialte nih lung in thi lakin an cheh lai; cuticun ṭhat lonak cu nan lakin nan thianh lai i Israel mi vialte nih an theih lai i an ṭih lai.

DEUTERONOMI 21:21 Referans Kwoze

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

LEVITIKAS 24:16

Bawipa min a vawlpammi cu thah a si lai; aa pummi vialte nih lung in an cheh lai: mipem a si zongah, laikhat mi a si zongah, Min cu a vawlhpamh ahcun thah a si ko lai, tiah chim hna,” a ti.

DEUTERONOMI 22:24

khi khua hauka ah an pahnih in nan chuahpi hna lai i lung in thi lakin nan cheh hna lai, nu cu, khua chungah a um nain bawmhnak hmuh awkah a au lo caah; pa cu, a innpa nupi kha a sual caah; cuticun ṭhat lonak cu nan lakin nan thianh lai.

DEUTERONOMI 22:21

ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin ṭhat lonak cu nan thianh lai.

DEUTERONOMI 17:5

cu thil ṭhalo a tuahtu cu nu a si ah pa a si ah, nan hauka hna ah cun nan chuahpi hna lai i cu pa cu siseh, cu nu cu siseh, lung in thi lakin nan cheh hna lai.

LEVITIKAS 20:2

“Israel mi lak in siseh, an sinah a pemmi khual hna lak in siseh, ahohmanh nih a fa zeihmanh kha Molek a pek ahcun amah cu thah a si lai; ram mi nih lung in an cheh lai.

LEVITIKAS 20:27

Pa siseh, nu siseh, khuavang ngei maw camhthiam maw a si ahcun thah a si lai; lung in cheh an si lai; an thisen cu anmah cungah a si lai.”

LEVITIKAS 24:14

“Chiat a sertu cu riahhmun lengah chuahpi law, amah biachim a theitu vialte nih a lu cungah an kut chia hna seh, cun aa pummi vialte nih lung in chep hna seh.

NAMBAR 15:25

Palhnak a si ca i Bawipa sinah mei in thawinak le Bawipa hmaiah an sual thawinak, an palhnak caah an rak put cang caah, tlangbawi nih Israel mibu ningpi caah cun remnak a ser lai i ngaihthiam an si lai.

NAMBAR 15:35

Cun Bawipa nih Moses cu a chawnh i, “Mipa cu thah a si lai; a pummi vialte nih riahhmun lengah lung in an cheh lai,” tiah a ti.

NAMBAR 15:36

Cun a pummi vialte nih riahhmun lengah an chuahpi i Bawipa nih Moses nawl a pek bangin lung in thi lakin an cheh.

DEUTERONOMI 21:20

cun a khua upa hna sinah cun, ‘Hi kan fapa hi a lung a khawng i ralchanh hmangmi a si, amah nih kan bia ngaih a duh lo, mihrokhrawl le zurit hmang a si,’ an ti lai.

2 SAMUEL 18:17

Cun Absalom kha an lak i tupi chung i khor nganpi pakhat ah an thlak i a cungah cun lungpumh nganpi pakhat an pumh; cun Israel mi vialte cu anmah le an inn cio ah khan an zam dih.

EXODUS 21:17

“Ahohmanh a nu siseh, a pa siseh chiat a serhmi cu thah a si lai.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

DEUTERONOMI 13:12

“Bawipa nan Pathian nih umnak ah an pekmi hna nan khua pakhatkhat ah,

DEUTERONOMI 17:7

Thah ding hnga cung i kut a thla hmasa biktu cu biahngaltu kha an si lai i, cu hnuah cun mi vialte kut kha an si lai. Cuticun nan lakin ṭhat lonak cu nan thianh lai.

PHUNGTHLÛKBIA 30:17

a pa kha a nihsawh i a nu kha a tar tikah zei ah a rel lomi cu, a mit kha nelrawn langak nih an khoih lai i langta nih an ei lai.