DANIEL 8:17 - Lai (Hakha) Common Language Bible 2006

¹⁷ Gabriel cu a ra i ka pawngah khan a dir i ka ṭih tuk caah vawlei ah ka tlu. Sihmanhsehlaw a ka chawnh i, “Maw mipa, langhnak na hmuhmi hi vawlei donghnak kong a si,” tiah a ti.

DANIEL 8:17 Referans Kwoze

DANIEL 8:19

Cun a ka thawh i, “Pathian thinhunnak nih zeidah a chuahter lai ti kha kan hmuhsak lai; langhnak na hmuhmi nih hin a sawhmi cu donghnak caan kha a si.

DANIEL 12:4

Sihmanhsehlaw Daniel, hi bia cu bia thli ah chia hna law donghnak caan a phak hlantiang cauk cu phit ko. Mi tampi cu lungdong in an um lai i dantatnak cu a rit ngaingai lai,” tiah a ti.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

DANIEL 12:13

Nang cu a donghnak tiangin zumhawktlak tein um ko. Cun na thi lai i chan donghnak caan ah na hmuh awk hnga kha co awkah nang cu na tho te lai,” tiah a ti.

DANIEL 11:40

Cun Siria siangpahrang cu a caan a dih dengmang tikah Izipt siangpahrang nih khan a tuk lai i a ṭhawnnak vialte khan a rak doh ve lai — a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.

BIAPHUAN 22:8

Keimah Johan nih hi thil vialte hi ka theih hna i ka hmuh hna. Cun ka theih hna i ka hmuh dih hna tikah, hi thil vialte a ka hmuhsaktu vancungmi ke hram ah cun ka bawk i biak ka zalh.

EZEKIEL 1:28

Ruahpi a sur ni ah khuadawm lak i chuncha a chuah bantuk khin a velchum i a ceumi cu a um. Bawipa sunparnak a muisam cu cu bantuk cu a si. Cucu ka hmuh tikah ka bawk i aw pakhat ka theih.

MATTHAI 17:8

Cucaah van lei kha an hun zoh i Jesuh lawnglawng kha an hmuh.

DANIEL 10:16

Cun chikkhatte ah khin mi bantuk a simi nih ka hmur kha a ka tawngh. Cun ka kaa kha ka hun an i ka hmai i a dir lioah cun ka chawnh i, “Bawipa, hi langhnak nih hin ka thazang a ka lak tuk i ther loin ka um kho lo.

DANIEL 10:11

A ka thawh i, “Daniel, nangmah cu Pathian dawtmi na si. Dir law kan chimh laimi bia hi ngai tuah, zeicahtiah keimah cu nangmah sinah thlah ka si,” tiah a ti. A ka chawnh ah cun ther lengmang in ka hung dir i

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.

DANIEL 9:23

“Daniel, na hngalhnak kha fianter awkah ka ra. Na thlacamnak kha na thawk tikah Pathian nih an leh. Pathian nih an dawt caah an lehnak chimh awkah atu hi ka ra. A sullam ka chim lioah bia cu ṭha tein ruat tuah:

DANIEL 8:15

Langhnak ka hmuhmi hi a sullam zeidah a si hnga tiah keimah Daniel nih hngalh kaa zuam. Ruah lopi ah ka hmaiah minung he aa lomi a hung dir khi ka hmuh.

DANIEL 2:46

Khi tikah Siangpahrang Nebukhadnezzar cu a bawk i Daniel kha a biak i amah cu raithawinak le rimhmui khanghnak kha nan pekchanh lai, tiah nawl a pek hna.

EZEKIEL 6:2

A ka thawh i, “Mipa, Israel ram tlanglei khi hei zoh law bia chimhnawh hna:

GENESIS 17:3

Cun Abram cu a khuk aa bil i a bawh lioah Pathian nih cun,

EZEKIEL 44:4

Chaklei kam kutka, biakinn lei a hoihmi ah khan a hun ka kalpi i Bawipa sunparnak nih Bawipa inn chungah a rak i zelh kha ka hmuh i ka bawk.

DANIEL 7:16

Keimah Daniel nih khika i a dirmi pakhat kha ka hei fuh i hi thil vialte hna hi an sullam zeidah a si tiah ka hal. Cun amah nih cun a sullam cu a ka chimh.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

EZEKIEL 2:1

Cun a ka thawh i, “Mipa, dir tuah, bia kan ruah lai,” tiah a ti.

DANIEL 11:27

Cu siangpahrang pahnih hna cu pakhat cung i ṭhat lonak tuah kha an i tim peng lai i cabuai pakhat ah an ṭhu ko lai nain pakhat le pakhat cu lih in bia an i hleng lai i caan rem a phak rih lo caah aho an ca hmanh ah ṭhathnemnak zeihmanh a um lai lo.