DANIEL 7:9 - Lai (Hakha) Common Language Bible 2006

⁹ Ka zoh ko lioah khan bawi ṭhutdan hna cu an hun hun hna i zungzal in a nungmi cu ṭhutdan cungah khan a hung ṭhu. A puan cu hawhra bantukin a rang i a sam cu tuuhmul thiang bik bantukin a thiang. A bawiṭhutdan cu meizik lengkekual cungah hun a si i meizik kha an chuak i a ṭhutdan cu meialh nih a tuam.

DANIEL 7:9 Referans Kwoze

BIAPHUAN 1:14

A sam cu tuuhmul bantuk a si i hawhra bantukin a rang i a mit cu mei bantukin a alh;

MARKA 9:3

a thilpuan cu a tleu in an tleu i an rang ngaingai; cu tluk rang cun vawlei cung mi ahohmanh nih an su kho lai lo.

MATTHAI 17:2

An hmaiah cun a mui kha aa thleng i a hmai cu ni bangin a ceu i a hnipuan cu ceu bantukin an rang.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

DANIEL 7:22

Cun zungzal in a nungmi nih cun biakhiahnak kha Cung Nung Bik mithiang hna ca i a ṭha lei in a tuah i mithiang mi hna nih cun siangpahrang ṭhawnnak an hun hmuh caan kha a hung phan.

DANIEL 7:13

Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir.

BIAPHUAN 19:18

Siangpahrang hna le ralbawi hna le ralkap hna le rang hna le rangcung ralkap hna le sal hna le miluat hna le mingan hna le mihme hna, an dihlak in, an sa cu rak ei tuah hna u,” a ti.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LAMKALTU 2:30

Amah cu profet a rak si i Pathian nih a sinah biakamnak a tuahmi kha a hngalh. Pathian nih bia a rak kammi cu, David tefa pakhat khat cu amah David bantuk khan siangpahrang ah a canter te lai, ti hi a si.

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

SALM 90:2

Tlang an sem hlan le vawlei kha na ser hlan in nangmah cu zungzal in, hramthawknak zong um lo donghnak zong um loin Pathian na si.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

SALM 45:8

Mura zihmui le aloes zihmui le kassia zihmui in na puan cu na namter hna i vui ho in sakmi siangpahrang inn ah khan hla dawh tum thiam nih an in conglawmh.

1JOHAN 1:5

Fapa sinin kan theih i nannih kan in thanhmi hna bia cu hihi a si: Pathian cu ceunak a si i a chungah muihnak zeihmanh a um lo.

MATTHAI 28:3

A mui cu nimtlau bantuk a si i a hnipuan cu hawhra bantukin an rang.

BIAPHUAN 4:2

Thlarau nih cun khulrang in a ka tlaih. Cun vancung ah cun bawiṭhutdan pakhat a ummi a cungah cun mi pakhat a ṭhut kha ka hmuh.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

2 CHANRELNAK 18:18

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah an dir kha ka hmuh;

EZEKIEL 1:26

Cun an lu cung i a ummi cungkhuh cungah cun bawiṭhutdan bantuk, safaiar lungvar, bawiṭhutdan a lomi kha a um i cu cungah cun minung pumruang a lomi pakhat a ṭhu.

SALM 93:2

Bawipa, na bawiṭhutdan cu a hramthawk tein a fek i nangmah cu caan thawk hlan in na rak um cang.

ISAIAH 6:1

Siangpahrang Uzziah a thih kum ah khan Bawipa cu ka hmuh. A sang i aa hlorhmi a bawiṭhutdan cungah khan a ṭhu i a puan cu biakinn kha a khat.

JEREMIAH 49:38

Khi tikah ka bawiṭhutdan cu Elam ah ka chiah lai i khika siangpahrang le a bawi hna cu ka hrawh hna lai, tiah Bawipa nih a ti.