DANIEL 6:19 - Lai (Hakha) Common Language Bible 2006

¹⁹ Khua a hung dei tikah, a ceu cangkate khin, a tho i ther le phang lengmang in thonginn ah cun a va kal.

DANIEL 6:19 Referans Kwoze

1THESALON 3:5

Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.

2 KORIN 2:13

Sihmanhsehlaw kan nau Titas kha ka hmuh lo caah ka lungre a thei ngaingai. Cucaah cu ka mi cu, dam tein rung um u, tiah ka titak hna i Masidonia ram ah khan ka lan.

MARKA 16:2

Zarhpi Ni zingkate, nichuah kate ah khin, thlan ah cun an va kal.

MATTHAI 28:1

Sabbath ni cu aa lim cang i zarh khat chung ni hmasa bik ni khuadei kate ah khin, Mary Magdalin le a dang Mary kha thlan va zoh awkah cun an kal.

DANIEL 6:18

Siangpahrang cu a inn ah a kal i cu zan cu rawl a ul; nu ahohmanh a sinah ratter a duh hna lo i i hngilh kho loin a um.

DANIEL 6:20

Siangpahrang cu cuka cu a va phak tikah Daniel cu lau lengmang in a vun auh i, “Daniel, a nungmi Pathian salpa, a rian na ṭuan zungzalmi na Pathian nih cun chiandeih hna sin khan an khamh kho maw?” tiah a ti.