DANIEL 6:13 - Lai (Hakha) Common Language Bible 2006

¹³ Cucaah siangpahrang hmaika ah cun an i thawh i, “Judah mi saltangmi hna lak i aa tel vemi Daniel nih siangpahrang nawlbia cu zei ah a rel lo i a pathian sinah ni khat ah voi thum lengmang thla a cam,” an ti.

DANIEL 6:13 Referans Kwoze

DANIEL 3:12

Sihmanhsehlaw Babilon ram uknak zohkhenhtu ah na chiahmi Judah mi Shadrak, Meshak, le Abednego hna nih cun bawipa na nawlbia kha zei ah an rel duh lo i na phunmi sui milem kha an bia duh lo,” tiah an ti.

LAMKALTU 5:29

Peter le lamkaltu dang hna nih cun an leh i, “Minung nakin Pathian nawl kan ngaih deuh awk a si.

DANIEL 2:25

Ariok nih cun therphang lengmang in Daniel cu siangpahrang hmaiah cun a hei chuahpi i, “Judah mi saltangmi hna lakah hin na mang a sullam an chim khotu ding pakhat ka hmuh cang,” tiah a ti.

DANIEL 5:13

Cun Daniel cu siangpahrang hmaiah cun an run luhpi i siangpahrang nih cun a thawh i, “Nangmah hi maw Daniel cu na si? Siangpahrang ka pa nih Judah ram in saltangmi si awkah a ratpimi hna lak i aa tel vemi cu maw na si?

ESTHER 3:8

Cun Haman nih Siangpahrang Ahasuerus cu a thawh i, “Na ram chung i peng dihlak ah hin, a kenkip le mi kip sinah aa ṭhekmi miphun pakhat an um; an phunglam cu midang hna phunglam he khan an i dang i annih nih siangpahrang nawlbia kha ngaih an duh lo caah annih cu hi bantukin in ko ahcun siangpahrang caah miaknak zeihmanh a um lai lo.

DANIEL 1:6

Cu hna lakah cun Judah phun chungmi Daniel, Hananiah, Mishael le Azariah kha an i tel.

LAMKALTU 17:7

Jason nih hin a inn ah a tlunter hna. Siangpahrang dang a min Jesuh a simi a um an tinak thawng hin Sizar Siangpahrang nawl a buarmi an dihlak hin an si,” tiah an au.

DANIEL 3:8

Khi tikah Khaldi mi mi cheukhat cu an ra i Judah mi kha sual an phawt hna.

DANIEL 3:11

Cu bantukin a tuah lomi paoh cu a alh hluahmahmi meiphu chungah paih an si lai, na ti fawn.