DANIEL 4:27 - Lai (Hakha) Common Language Bible 2006

²⁷ Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

DANIEL 4:27 Referans Kwoze

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

LAMKALTU 8:22

Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

EFESA 4:28

Fir a hmangmi kha fir ti hlah seh, amah ca i ding tein pawcawmnak caah le sifakmi bawmhnak caah rianṭuan seh.

GALATI 5:13

Ka u le ka nau hna, nannih cu luat dingin kawhmi nan si. Asinain cu luatnak cu nan pumsa duhnak ca i caan ṭha men ah khan hmang hlah u. Pakhat le pakhat kha dawtnak in nan rian tu i bawm u.

PHUNGTHLÛKBIA 16:6

Pathian leiah felte le zumhawktlak tein um ko law na sualnak cu an ngaihthiam lai. Cun Bawipa kha ṭih law ṭhat lonak nih an tlunhnawh lai lo.

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.

MATTHAI 3:8

Nan sualnak nan i ngaihchihnak cu nan theitlai in langhter ngat u.

EZEKIEL 18:7

Ahohmanh a hrem bal hna lo i leibatu nih biakamnak ca i thil an pekmi kha a khirh zungzal hna, zeitikhmanh ah mi a ramh bal lo. Rawl a ṭammi kha rawl a pek hna i hnipuan a ngei lomi kha hnipuan a pek hna.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

1 SIANGPAHRANG 21:29

“Zeitindah Ahab nih ka hmaiah lungṭhum ngaiin a um kha na hmu ko lo maw? Ka hmaiah a lung a ṭhumh caah ṭhat lonak kha amah chan ah hin cun ka tlunter lai lo; sihmanhsehlaw a fapa chan ah a innchungkhar cungah hin ṭhat lonak kha ka tlunter lai,” tiah a ti.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

SALM 119:46

Na nawlbia cu siangpahrang kha ka chimh hna lai i cu tuah cu ka ning a zak lai lo.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

2 KORIN 5:11

Bawipa ṭih cu zeidah a sullam a si ti kha kan hngalh i cucaah mi kha lem kan i zuam lengmang hna. Pathian nih tling cikcek tein a kan hngalh; cu bantukin nannih zong nih nan lung chungte cun nan ka hngalh ve tiah ka ruah.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

DEUTERONOMI 24:13

ni a tlak tikah biahrennak thil cu na khirh ṭhan lai, a puan chungah a ih i thluachuahnak an pek nakhnga; mah cucu Bawipa na Pathian hmaiah na caah dinnak a si lai.

JEREMIAH 29:7

Sal ah kan tanternak hna khuapi kha a ṭhatnak ding kawl cio u law kha khua caah khan Bawipa sinah thla cam cio ko u; zeicahtiah a ṭhat ahcun nannih zong ṭhatnak nan hmu ve lai.

JEREMIAH 38:20

Cun Jeremiah nih, “An in chan lai lo. Kan chimhmi paohpaoh ah hin Bawipa bia na zulh ahcun, nangmah caah a ṭha dih ko lai i na nunnak kha zuah a si lai.

GENESIS 11:4

Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan thang kan i chuah lai i vawlei cungah hin kan i ṭhek lai lo,” an ti.

DEUTERONOMI 8:17

Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

PHUNGTHLÛKBIA 11:2

Aa porhlawmi nih cun mi nihsawhnak tuan ah an hmuh lai. Cucaah mi toidorte i um a ṭha deuh.

ISAIAH 10:13

Assiria siangpahrang nih cun aa thawh i, “Hi vialte hi keimah tuahmi an si dih. Kei cu ka ṭhawng, ka fim, i a zer zong ka zer. Ram khat le ram khat karlak i ramri cu ka hloh dih hna i an i khonmi thilri cu ka chuh dih hna. Cuka i khua a sami hna cu cawtum bantukin ka naan hna.

ISAIAH 47:8

Nang, nuamhnak a duhmipa, hi bia hi ngai tuah, him te le hnangam tein ka um, tiah na ruat. Pathian tluk ngan ah naa ruat i keimah bantuk ahohmanh an um lo, tiah na ruah. Zeitikhmanh ah nuhmei cu ka si bal lai lo tiah na ruah i fale thihloh ka ing bal lai lo na ti.

ISAIAH 47:10

“Na ṭhat lonak chungah hnangam in na um ko; ahohmanh nih an ka hmu lo, tiah na ruah. Na fimnak le na hngalhnak nih a pingah an in hruai i nangmah le nangmah cu, ‘Pathian ka si — keimah bantuk midang ahohmanh an um lo,’ naa ti.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

EZEKIEL 29:9

Nangmah nih naa thawh i, ‘Nail tiva cu keimah ta a si, a sertu cu keimah ka si,’ na ti caah, Izipt ram cu ram pakpalawng ah a cang lai i annih nih Bawipa ka si kha an hngalh lai.

AMOS 6:13

Lodebar nan lak khawh caah khan nan i thangṭhat i “Karnaim cu kanmah thazang tein kan la lo maw?” nan ti.

HABAKKUK 1:11

Cun annih cu thlitu bantukin an lan i an lo; An ṭhawnnak an pathian i aa serhmi hna cu vansang au in an um.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.