BIAPHUAN 5:12 - Lai (Hakha) Common Language Bible 2006

¹² fak piin hla an sa i, “An thahmi Tuufa kha, Lianhngannak le rumnak le fimnak le ṭhawnnak le upatnak le sunparnak le thangṭhatnak hmuh awkah aa tlak,” an ti.

Laibaibal Thiang (BSI)

¹² Cuhna nih awthang piin, thah ciami Tuufano cu thiltikhawhnâk, rumnâk, fimnâk, ṭhawnnâk, thangṭhatnâk, sunparnâk le thluachuahnâk kha co awkah â tlâk tiah an ti.

BIAPHUAN 5:12 Referans Kwoze

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

BIAPHUAN 19:1

Cu hnuah cun vancung i a ummi mibu nganpi aw thawng bantuk ka theih i, “Pathian cu thangṭhat ko u. Khamhnak le sunparnak le lianhngannak cu kan Pathian ta an si.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

BIAPHUAN 7:12

“Amen! Thangṭhatnak le sunparnak le fimnak le lunglawmhnak le upatnak le ṭhawnnak le thil ti khawhnak cu zungzal in zungzal tiang kan Pathian ta a si! Amen!” an ti.

JOHAN 17:2

Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

BIAPHUAN 5:6

Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 5:13

Cun vancung i a ummi le vawlei cung i a ummi le vawlei toi i a ummi le rili chung i a ummi thilnung vialte nih, “Bawiṭhutdan cung i a ṭhumi le Tuufa cu, thangṭhatnak, upatnak, sunparnak le ṭhawnnak kha, An cungah zungzal in zungzal tiang um ko seh,” tiin hla an sak kha ka theih.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.

BIAPHUAN 6:1

Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!