BIAPHUAN 21:7 - Lai (Hakha) Common Language Bible 2006

⁷ Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

Laibaibal Thiang (BSI)

⁷ Teitu nih thil vialte hi an co dih lai, a Pathian ka si lai, amah cu ka fapa a si lai.

BIAPHUAN 21:7 Referans Kwoze

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

ZEKHARIAH 8:8

“Zohhmanh, ka mi hna cu nichuahlei ram le nitlaklei ram in ka chuah hna lai i Jerusalem khua chung i um awkah ka kirpi hna lai. Annih cu ka mi an si lai i biatak le dinnak in kei cu an Pathian ka si lai,” tiah a ti.

PHUNGTHLÛKBIA 3:35

Mifim mi nih upatnak cu an co lai, sihmanhsehlaw mihrut mi nih zohchuknak kha an hmuh lai.

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

BIAPHUAN 2:25

Sihmanhsehlaw atu i nan ngeihmi kha ka rat tiang fek tein rak i tlaih ko u.

MARKA 10:17

Jesuh cu khual tlawn ah aa thawh ṭhan i cu lioah cun mipa pakhat a hung tli i a hmaiah a khuk aa bil i, “Saya, nangmah cu mi ṭha na si. Zungzal nunnak hmuh awkah zeidah ka tuah lai?” tiah a hal.

ISAIAH 65:9

Israel mi lakah Judah tefa a simi kha thluachuah ka pek hna lai i an tefa nih ka ram le ka tlang kha an co lai. Ka thimmi ka mi, ka rian a ṭuanmi cu, cuka ah cun an um lai.

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

2 SAMUEL 7:14

Keimah cu a pa ka si lai i amah cu ka fapa a si lai. ṭhat lonak a tuah tikah minung fung le minung fapa hna tuknak vual in ka chimhhrin lai;

SALM 89:26

Keimah cu a ka thawh lai i, ‘Nangmah cu ka pa le ka Pathian na si; a ka hupphengtu le ka khamhtu na si,’ a ka ti lai.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

ROM 8:14

Pathian Thlarau nih a hruaimi hna cu Pathian fale an si.

ROM 8:19

Pathian nih a fale a phuan hna lai cu sermi thil vialte nih ngangngan ngaiin an hngak ko.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.