BIAPHUAN 18:23 - Lai (Hakha) Common Language Bible 2006

²³ A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

Laibaibal Thiang (BSI)

²³ Na chungah meiin zong van a si ti lai lo, mo ngeitu le mo thawng zong na chungah theih a si ti lai lo. Zeitintiah na chawlettu hna cu vawlei i mi lianngan hna an si i na doihthiamnâk in miphun vialte kha hlen an si.

BIAPHUAN 18:23 Referans Kwoze

BIAPHUAN 18:3

Zeicahtiah a zu kha mi vialte a pek hna i a dinter hna — a hornak zu ṭhawng kha a dinter hna. Vawlei cung siangpahrang hna nih amah he cun nu le pa sualnak an tuah i aa sum lomi a hornak nih cun vawlei cung khuazakip chawlet pawl kha a rumter hna,” a ti.

ISAIAH 23:8

Siangpahrang khua, a mirum hna vawlei cung i hmaizah bikmi a simi hna khua Tair khua i hi thil vialte a tluntertu hi ahodah a si?

NAHUM 3:4

Mah vialte hi hlawhhlangnu hlawhhlannak ruangah a si, aa dawh i eih a thiammi bawinu ruangah a si, Miphun hna le mi hna kha a a hlawhhlannak le a eihthiamnak in a hlen dih hna.

JEREMIAH 7:34

Cun Judah ram chung khua hna chungin le Jerusalem khua chung lam hna in lawmhnak aw le thanuamnak aw, nupi ṭhi tlangval aw le ṭhitmi ngaknu aw cu ka daihter lai; zeicahtiah ram cu a ṭiao dih cang lai.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

JEREMIAH 16:9

Zeicahtiah ralkapbu Bawipa Israel Pathian nih hi bangin a ti: Nangmah chan hrimhrim ah hin le nangmah mit hmuh hrimhrim ah hin, hi hmun i lawmhnak le thanuamnak aw thawng vialte, nupi ṭhipa aw le a mo aw kha, ka daihter hna lai.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 18:22

A chung i a rak um tawnmi tingtang tum thiam hna le aw dawh tum thiam hna le thonglawi tum thiam hna le muko tum thiam hna nih an tum tawnmi aw kha zeitikhmanh ah theih ṭhan a um ti lai lo. A chungah rianṭuantu an um ti lai lo i facang rialnak thawng kha theih a um ti lai lo.

BIAPHUAN 18:9

A sualnak le a hornak chungah aa bual vemi vawlei cung siangpahrang hna nih khan a kanghnak meikhu cu an hmuh tikah khuapi cu an ṭah lai.

BIAPHUAN 17:5

A cal ah min pakhat aa ṭial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

BIAPHUAN 17:2

Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

PHUNGTHLÛKBIA 24:20

Zeicahtiah miṭhalo cu i ruahchanmi hmailei caan an ngei lo i an meiinn kha hmih an si lai.

JOB 21:17

“Miṭhalo cu a mei a mit bal maw? Vanchiatnak an tong bal maw?

2 SIANGPAHRANG 9:22

Cun Joram nih Jehu kha a hmuh tikah, “Daihnak a si maw, Jehu?” tiah a ti. Anih nih, “Na nu Jezebel hlawhhlannak le eih hmannak liangluang hi an um rih chungah hin, zei daihnak cu dah a um kho lai?” tiah a ti.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

LAMKALTU 8:11

A camh thiamnak in saupi an khuaruah a rak harter hna caah amah cu an zulh.

ISAIAH 47:9

Asinain chikkhatte ah, ni khatte ah, hi thil hi an pahnih in na cungah an tlung lai. Camh cu zeizat hmanh na hmang ko lai nain na fale cu an thi ṭhiamṭhiam ko lai i nuhmei cu na si ṭhiamṭhiam ko lai.

JEREMIAH 25:10

Cun annih sinin thanuamnak aw thawng le lawmhnak aw thawng vialte cu ka daihter lai; nupi ṭhipa aw thawng le a mo aw thawng le rawl rialnak lung aw thawng hna cu ka daihter hna lai; meiinn ceunak cu ka hmih dih hna lai.

BIAPHUAN 6:15

Cun vawlei cung siangpahrang hna le uktu hna le ralbawi hna le mirum hna le miṭhawng hna le midang vialte cu sal he a luatmi he, tlang cung lungkua le lungpi toiah an i thup dih.

BIAPHUAN 9:21

Cun an lainawn le an pumsa camh le an pumsa sualnak le an fir zong kha an i ngaihchih hlei fawn lo.