BIAPHUAN 14:11 - Lai (Hakha) Common Language Bible 2006

¹¹ A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo.

Laibaibal Thiang (BSI)

¹¹ Cun anmah dântatnâk meikhu cu zungzal in zungzal tiang van leiah a kai lai, sahrang le a lem a biatu hna le a min chinchiahnâk a putu vialte dântatnâk kha chunzan hlan in dinh ti a um lai lo,” tiah a au.

BIAPHUAN 14:11 Referans Kwoze

BIAPHUAN 19:3

Cun an au ṭhan i, “Pathian cu thangṭhat ko u. Khualipi khanghnak mei a khu cu zungzal in zungzal tiang a kai ko,” an ti.

ISAIAH 34:10

Chunzan in a kang lengmang ko lai i a meikhu cu a kai thluangthluan ko lai. Ram cu cu ti cun chan khat hnu chan khat hman awk ṭha ti loin a um lai i ahohmanh nih a pal zong an pal ti lai lo.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

BIAPHUAN 18:18

a kanghnak meikhu kha an hmuh tikah, “Hi khualipi bantukin a liannganmi khua a um bal lo,” an ti.

BIAPHUAN 14:9

Vancungmi pathumnak nih hmasa pahnih hna kha a hun zulh hna i aw fak piin, “Sahrang le a milem a bia i a hmelchunhnak kha a cal ah siseh a kut ah siseh a ngeimi paoh nih cun,

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

GENESIS 19:28

Sodom le Gomorrah le nelrawn cu a vun cuanh hna i, somei nganpi chung i meikhu a chuah hluahmah bantuk khin, vawlei cun meikhu cu a tho.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 7:12

“Amen! Thangṭhatnak le sunparnak le fimnak le lunglawmhnak le upatnak le ṭhawnnak le thil ti khawhnak cu zungzal in zungzal tiang kan Pathian ta a si! Amen!” an ti.

HEBRU 1:8

Sihmanhsehlaw a Fapa tu cu, “Maw Pathian, na bawiṭhutdan cu zungzal in zungzal tiang a hmun lai: Na pennak cu dinnak in na uk.

SALM 145:1

Ka Pathian le ka siangpahrang, na lianhngannak cu ka thanh lai i nangmah cu a zungzal in kan lawmh lai.

SALM 10:16

Bawipa cu zungzal in zungzal tiang siangpahrang a si i a ram chung hin lawkihmi cu an lo lai.

EXODUS 15:18

Bawipa cu zungzal in zungzal tiang siangpahrang a si lai,” an ti.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

BIAPHUAN 13:12

Sahrang pakhatnak nih a ngeihmi nawlngeihnak kaupi kha amah hmai hrimhrim ah cun a hman. Thihpi awk tlak a simi hma a ing i a dam ṭhanmi sahrang pakhatnak kha, nan biak hrimhrim lai tiah vawlei le a cung i a ummi vialte cu a hnek hna.

MATTHAI 11:28

“Rethei le thilrit mi vialte hna, ka sinah ra tuah u, dinhnak kan pek hna lai.

JOEL 2:30

“Cu ni a rat lai nakding hmelchunhnak hna cu van le vawlei ah ka langhter hna lai: Thisen chuahnak le mei le meikhu tlangtlang an si lai.

ISAIAH 57:20

Sihmanhsehlaw miṭhalo cu tilet a tho zungzalmi rili bantuk an si, tilet cu an tho zungzal i hmunthur le nawncek kha an chuahpi zungzal.

DEUTERONOMI 28:65

Cun hi miphun hna lakah hin daihnak nan hmu lai lo, nan keza ca zongah dinh ti a um lai lo, sihmanhsehlaw khika ah Bawipa nih lung retheihnak le mit hram dernak le hnabei donghnak an pek hna lai.

ISAIAH 34:8

Hi caan hi Bawipa nih Zion kha a khamh i a ral hna cungah phu a hlam caan kha a si lai.

DANIEL 3:6

A bawk lo i a bia lomi paoh cu a alh hluahmahmi meiphu chungah paih nan si lai,” tiah a ti.

BIAPHUAN 13:15

Sahrang pakhatnak milem chungah khan sahrang pahnihnak cu nunnak thaw khumhnak nawl pek a si i cucaah milem cu a holh kho i amah a bia lomi cu a thah hna.

BIAPHUAN 13:17

Cu hmelchunhnak an ngeih lo ahcun ahohmanh nih thil kha a cawk zong an caw kho lo i a zuar zong an zuar kho lo, cu hmelchunhnak cu sahrang min, asiloah, sahrang min ca i hmanmi nambar kha a si.

BIAPHUAN 18:9

A sualnak le a hornak chungah aa bual vemi vawlei cung siangpahrang hna nih khan a kanghnak meikhu cu an hmuh tikah khuapi cu an ṭah lai.