BIAPHUAN 13:2 - Lai (Hakha) Common Language Bible 2006

² Ka hmuhmi sahrang cu a mui ah pawlai a lo, a ke cu vom ke bantuk a si i a kaa cu chiandeih kaa bantuk a si. Limkeng nih khan sahrang cu, a ṭhawnnak le a bawi ṭhutdan le a nawlngeihnak a kau ngaingaimi kha a pek.

Laibaibal Thiang (BSI)

² Sahrang ka hmuhmi cu keite bantuk a si i a ke cu vom ke bantuk a si, cun a kâ cu chiandeih kâ bantuk a si. Rulpi nih amah thiltikhawhnâk, bawiṭhutdan le nawlngeihnâk nganpi kha a pêk.

BIAPHUAN 13:2 Referans Kwoze

BIAPHUAN 20:2

Rulhreu, limkeng kha a tlaih i kum thong khat a hren — cu limkeng cu Khuachia, asiloah, Satan kha a si.

BIAPHUAN 17:12

“Ki pahra na hmuhmi kha siangpahrang pahra, uknak hram aa thawk rih lomi, sihmanhsehlaw sahrang he suimilam pakhat chung uk ṭi dingin nawl pekmi an si.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 13:4

Limkeng nih khan a nawlngeihnak cu sahrang kha a pek caah mi vialte nih limkeng cu an biak. Sahrang zong cu an biak i, “Sahrang bantuk hi ahodah a um hnga? Aho nih dah an doh khawh lai?” an ti.

BIAPHUAN 12:15

Cun minu cu fenh seh tiah limkeng nih khan a kaa chungin tilian a chuahter.

BIAPHUAN 12:13

Limkeng nih vawlei cungah thlak ka si cang ti kha a hngalh tikah, fapa a hringtu nu kha a dawi colh.

BIAPHUAN 16:10

Cun vancungmi panganak nih a kanto cu sahrang bawiṭhutdan cungah khan a bungh. Sahrang pennak ram cungah khan muihnak a tlung ciammam i fahnak an inmi kha a fah tuk caah an lei kha an i seh,

AMOS 5:19

Minung nih chiandeih a zamtak i vom he an i ton ni bantuk, Inn chungah a luh i vampang a vun dah i rul nih a rak cuk ni bantuk a si lai.

JEREMIAH 13:23

Ethiopia mi nih a cuar kha aa thlen khawh maw? Cakei nih tah a ṭial kha aa thlen khawh maw? I thleng kho hna seh law cu, nannih ṭhat lonak dah ti lo zeidang tuah a thiam lomi zong nih hin ṭhatnak kha nan tuah ve hnga.

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

ISAIAH 5:29

An ralkap hna cu, a sa sehmi ka chut hna hlah seh tiah aa kalpimi chiandeih bantuk an si.

PHUNGTHLÛKBIA 28:15

Uktu ṭhalo cu misifak hna caah, a rawl a ṭammi chiandeih le a ti a halmi vom bantuk a si.

PHUNGTHLÛKBIA 17:12

Mihrut a hruh lio i ton nakcun a fa chuhmi vompi ton a ṭha deuh.

SALM 22:21

Kha chiandeih hna sin khan ka khamh ko; kha cawtum hrang hna hmaiah khan kei cu zeihmanh a tuah khomi ka si lo.

2 SIANGPAHRANG 2:24

Cun aa mer i a hmuh hna tikah Bawipa min in chiat a serh hna. Cun ramlak in vom a pi pahnih an ra chuak i pa ngakchia cu sawm li le pahnih an seh hna.

HABAKKUK 1:8

An rangtum hna cu pawlai nakin an khul a rang deuh, Zan i a vakmi cenghngia nakin ṭih an nung deuh; An leng hnuktu rangtum hna nih khan heh tiah vawlei kha an huah i Langta nih sa a vun zuanhnawh vungmang bantuk khin lamhla piin an ra le.

AMOS 3:12

Hihi Bawipa bia an si: Tuukhal nih chiandeih kaa chungin, a ke pahnih khat maw a hna pelpawi ceo maw, a chuh ṭhan khawh tawn bantukin, Samaria ram chung i ihkhun dawhdawh le ṭhutdan nuamnuam cung i a ṭhumi Israel mi hna lak khan a pelpawite ceo khamh an si lai.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

BIAPHUAN 13:12

Sahrang pakhatnak nih a ngeihmi nawlngeihnak kaupi kha amah hmai hrimhrim ah cun a hman. Thihpi awk tlak a simi hma a ing i a dam ṭhanmi sahrang pakhatnak kha, nan biak hrimhrim lai tiah vawlei le a cung i a ummi vialte cu a hnek hna.