BIAPHUAN 12:17 - Lai (Hakha) Common Language Bible 2006

¹⁷ Limkeng cu minu cungah khan a thin a hung ngaingai i minu tefa a tang rihmi vialte hna doh awkah khan aa thawh; cu hna cu Pathian nawlbia a ngai i Jesuh nih a phuanmi biatak, zumh awk tlak tein aa tlaihmi kha an si.

Laibaibal Thiang (BSI)

¹⁷ Cun rulpi cu minu cungah a thin a hung ngaingai a tefa a tangmi, Pathian nawlpêk a zul i Jesuh Krih hngalhternâk bia a ngeitu hna he i doh awkah a pawk.

BIAPHUAN 12:17 Referans Kwoze

BIAPHUAN 14:12

Pathian mi hna, Pathian nawl a ngai i Jesuh cungah zumh awk tlak in khua a sami hna nih cun, hi zawn ah hin in khawhnak an ngeih awk a hau.

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 11:7

Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

BIAPHUAN 6:9

Cun Tuufa nih cun cakhenh panga-nak kha a phoih. Pathian bia an chim ruangah le Pathian tehte an sinak ah zumhawktlak in an um ruangah an thahmi hna thlarau kha biakṭheng toiah cun ka hmuh hna.

BIAPHUAN 1:2

Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

BIAPHUAN 13:7

Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

1JOHAN 5:2

Pathian fa kan dawt hna ti kan hngalhnak cu hihi a si: Pathian kha dawt i a nawl zulh kha a si.

1JOHAN 2:3

Pathian kha a nawl kan ngaih ahcun, amah kha kan hngalh tiah fiang tein kan hngalh.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

BIAPHUAN 19:19

Rang cung i aa citmi le a ralkapbu kha doh awkah sahrang le vawlei cung siangpahrang hna cu an i pum.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.

1 KORIN 2:1

Ka u le ka nau hna, nan sin i Pathian biathli chim awk i ka rat ah khan, biathluan sausau le cathiam sang pawl nih an hmanmi bia kha ka hmang hna lo.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

BIAPHUAN 12:16

Sihmanhsehlaw vawlei nih minu cu a rak bawmh; a kaa kha a an i limkeng kaa chungin a chuakmi tilian kha a rak dolh.