BIACEIHTU 7:8 - Lai (Hakha) Common Language Bible 2006

⁸ Cucaah mi hna i an thawl le an muko cu an sin khan a lak hna; cun Israel mi a dang vialte cu anmah le an thlam cio ah a kalter hna, sihmanhsehlaw za thum kha cu a umter hna; cun Midian riahhmun cu nelrawn chungah an thlang ah a si.

BIACEIHTU 7:8 Referans Kwoze

1 KORIN 15:52

muko hmanung bik tum caan ah cun mit ṭhep ah kan i thleng dih lai. Zeicahtiah cu muko cu a hung than tikah a thimi hna cu a thi kho ti lomi ah thawhter an si lai i kan dihlak in kan i thleng dih lai.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

BIACEIHTU 6:33

Cun Midian mi vialte le Amalek mi hna le nichuahlei mi hna cu hmunkhat ah an ra i Jordan tiva tan in Jezreel Nelrawn ah an riak.

BIACEIHTU 3:27

A phak tikah Efraim tlangram ah cun muko a tum i Israel mi hna cu amah he tlangram cun an vung kal i amah nih cun a hrui hna.

JOSHUA 6:20

Cucaah mi cu an au i muko cu tum an si. Mi nih muko thawng kha an theih cangka tein, mi cu fak piin an au i ralhau cu a tlu, cu caah anmah le an hmai zawn cio khan mi cu khua chungah cun an hung lut i khua cu an lak.

JOSHUA 6:4

Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.

NAMBAR 10:9

Cun nannih an hremtu hna nan ral he nan ram chung i nan i doh tikah muko cun ralrinnak nan tum lai, Bawipa nan Pathian hmaiah hngalh nan si camcin i nan ral hna sinin khamh nan si nakhnga.

LEVITIKAS 25:9

Cun thla sarih thla ni hra ni ah cun a thangmi muko kha nan chawhpi lai; remnak ni ah cun nan ram chung vialte ah muko cu nan tum thluahmah lai.

LEVITIKAS 23:24

“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

BIACEIHTU 7:7

Cun Bawipa nih Gideon cu, “A liah in a liakmi mi za thum khan nannih cu kan khamh hna lai i Midian mi cu nan kut chungah kan pek hna lai; a dang vialte cu an inn cio ah kal hna seh,” tiah a ti.

BIACEIHTU 7:9

Khi zan ṭhiamṭhiam ah cun Bawipa nih amah cu, “Tho law, an riahhmun cu vung do tuah, zeitintiah na kut chungah kan pek cang.