AMOS 1:11 - Lai (Hakha) Common Language Bible 2006

¹¹ Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

AMOS 1:11 Referans Kwoze

2 CHANRELNAK 28:17

Zeicahtiah Edom mi nih Judah ram cu an chim ṭhan hoi i an tei hna i sal ah an i kalpi diam hna.

MALAKHI 1:4

Edom nih, “Kannih cu kan rawk cang, a rawkmi kan inn cu sa ṭhan hna u sih,” tiah a ti tikah, Bawipa bia cu hihi an si: “An sak ṭhan hna ahcun ka ṭheh ṭhan hna lai. Annih cu ṭhat lonak a tamnak ram, Bawipa nih zungzal in chiat a serhmi miphun,” ti an si lai.

JOEL 3:19

Sihmanhsehlaw Izipt ram cu thetse ram ah a cang lai i Edom ram cu chuahtakmi ram, ram pakpalawng ah a cang lai; Zeicahtiah Judah ram kha hranhram loin an rak tuk i A chungah a sual lomi thisen kha an rak chuah hna.

SALM 137:7

Jerusalem an tlaih ni ah, Edom mi nih an tuahmi kha philh hlah, Maw Bawipa, “Hrawk dih cikcek u law a hram tiangin kalh dih u,” an ti kha philh hin hlah.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

PHUNGCHIMTU 7:9

Na thin i sum khawh kha i zuam, lungchung in mi uam peng hi hruh a si.

DEUTERONOMI 23:7

“Edom mi cu nan hua hna lai lo, zeitintiah annih cu nan unau an si; Izipt mi cu nan hua hna lai lo, zeitintiah an ram ah mipem nan rak si.

EFESA 5:1

Nannih cu Pathian dawtmi fa nan si caah amah bantuk kha si i zuam u.

MALAKHI 1:2

“Nannih cu kan dawt hna,” tiah Bawipa nih a ti. Nannih nih nan i thawh i, “Kannih cu na kan dawt maw?” nan ti.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.

SALM 85:5

Kan cungah zungzal in maw na thin a hun ko lai? Na thin cu a dam bal lai lo maw?

ZEKHARIAH 1:15

sihmanhsehlaw zaang awl ngaiin a um komi miphun hna an cungah hin ka thin a hung, zeicahtiah ka thinhunnak cu a nemte a si ko lioah khan, annih nih ṭhat lonak kha pakhat hnu pakhat an chap chin lengmang.

2 CHANRELNAK 20:10

Cun atu cu zohhmanh, Ammon mi hna le Moab mi hna le Seir Tlang mi hna, Israel mi hna nih Izipt ram in an chuah tikah tuk na thlauh hna ca i an hrial hna i an hrawh lomi hna nih khan

2 CHANRELNAK 20:11

zohhmanh nangmah nih co awkah na kan pekmi na ta chung hin kannih cu dawi i cuticun lehrulh an kan timh.

HOSEA 8:3

Sihmanhsehlaw a ṭhami thil kha an duh lo. Hi ruangah hin an ral nih an dawi hna lai.