2 SIANGPAHRANG 21:7 - Lai (Hakha) Common Language Bible 2006

^7-8 Bawipa nih David le a fapa Solomon sinah, “Hi inn chungah le Israel miphun vialte lakin ka thimmi Jerusalem khua chungah ka min ka chiah zungzal lai i ka mi Israel mi hna nih hin nawl ka pekmi vialte hna ning le Moses nih nawl a pekmi vialte hna ning in an tuah ahcun an pupa hna sinah ka rak pekmi ram chung hin an ke cu ka pialter lai lo,” tiah a timi inn chungah khan amah nih a serchommi Asherah siasal cu a chiah.

2 SIANGPAHRANG 21:7 Referans Kwoze

2 CHANRELNAK 7:16

Ka min cu zungzal in hika ah a um nakhnga hi inn cu ka thim cang i ka thianter cang; ka mit le ka lung cu hika ah an um camcin lai.

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

2 SAMUEL 7:13

Amah nih ka min caah inn pakhat a sak lai i a pennak bawi ṭhutdan cu zungzal in ka fehter lai.

JEREMIAH 32:34

An thil fihnung siasal hna cu ka min umnak inn chungah khan an chiah hna i an thurhnawmhter.

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

2 CHANRELNAK 33:15

Cun ramdang pathian hna le siasal kha Bawipa inn khan a ṭhial hna i Bawipa inn umnak tlang le Jerusalem i a sermi biakṭheng vialte kha khua lengah a hlonh dih hna.

2 CHANRELNAK 33:7

Cun amah nih a sermi siasal milem cu Pathian inn chungah khan a chiah. Cun inn kongah cun Pathian nih David le a fapa Solomon sinah khan, “Israel phun dihlak chungin ka thimmi Jerusalem le hi inn chungah hin zungzal in ka min cu ka chiah lai;

2 CHANRELNAK 7:20

kan pekmi ram hin kan phawi lai i hi inn ka min ca i ka thiantermi hi ka mit hmuh phak lo ah khin ka hlonh lai i mi vialte lakah phungthluk bia le nihchuak capo bia ah ka ser lai.

2 CHANRELNAK 7:12

Cun Bawipa cu Solomon sinah zan ah a lang i amah cu a thawh i, “Na thlacamnak cu ka theih cang i hi hmun cu raithawinak inn caah kaa thim cang.

2 SIANGPAHRANG 23:27

Cun Bawipa nih, “Israel ka ṭhial bantuk khan Judah zong hi ka mithmuh phak lonak ah ka ṭhial lai, cun ka thimmi khuapi Jerusalem hi le “Hi chungah ka min a um lai,” ti in ka rak timi inn zong hi ka hlonh hna lai,” tiah a ti.

2 SIANGPAHRANG 23:6

Cun Bawipa inn chung khan Asherah kha a chuah i Jerusalem khua lengah Kidron tiva ah a kalpi, Kidron tiva ah cun a khangh i dip lak in a den cikcek i a dip cu mi zapi thlan cungah a thlet.

2 SIANGPAHRANG 21:4

Bawipa nih, “Jerusalem khua ah ka min cu ka chiah lai,” tiin a rak tihnawh chanmi Bawipa inn chungah biakṭheng a ser hna.

DEUTERONOMI 16:21

“Bawipa nan Pathian biakṭheng nan ser laimi pawngah cun zei thing hmanh Asherah si awkah nan phun lai lo,

SALM 74:2

Hlanlio piin na mi si awkah na kan thimmi hi kan philh hlah. Na rak umnak Zion Tlang zong kha philh hlah.

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

1 SIANGPAHRANG 8:44

“Cun na mi hna cu an ral doh awkah an kal ahcun, zei lam zongin na kalter hna a si ah, nangmah nih na thimmi khua hi le nangmah min caah ka sakmi inn lei hoih hin Bawipa sinah thla an cam ahcun,

2 SIANGPAHRANG 23:4

Cun siangpahrang nih tlangbawi ngan Hilkiah le a niam deuhmi tlangbawi hna kha le innleng cawngtu hna kha Bawipa biaknak inn chungin Baal le Asherah le van i a ummi thil hna ca i sermi umkheng vialte kha chuah dih awkah a fial hna; Jerusalem khua leng Kidron lo chungah khan a khangh hna i an vutcam cu Bethel ah a kalpi hna.

EZEKIEL 23:38

Cun hi zong hi ka cungah an tuah rih: ka hmunthiang kha an thurhhnawmh i ka sabbath kha an buar hna.

2 SIANGPAHRANG 16:11

Cun tlangbawi Urijah nih biakṭheng kha a ser; Siangpahrang Ahaz nih Damaskas khua in a kuatning te khan, Siangpahrang Ahaz cu Damaskas khua in a ra phak hlanah, Urijah tlangbawi nih a rak ser dih.

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

JEREMIAH 7:30

Zeicahtiah Judah mi nih ka mit hmuh ah ṭhat lonak an tuah, tiah Bawipa nih a ti. Ka min in kawhmi inn kha fih a nungmi an siasal in an thurhhnawmh cang,