2 SIANGPAHRANG 2:9 - Lai (Hakha) Common Language Bible 2006

⁹ An tan dih tikah Elijah nih Elisha cu, “Nangmah sinin lak ka si hlan ah hin zeidah kan tuahpiak lai, ka hal tuah,” tiah a ti. Cun Elisha nih, “Na thlarau hi a let hnih in ka coter tuah tiah kan nawl,” a ti.

2 SIANGPAHRANG 2:9 Referans Kwoze

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

DEUTERONOMI 21:17

sihmanhsehlaw, a dawt lomi nupi fapa kha fater a sinak kha a hngalhpi ko lai i a ngeihmi vialte chung khan vo hnih a pek ko lai; zeitintiah amah cu a thazang theitlai hmasa bik a si; fater sinak cu amah ta a si ko.

JOHAN 16:7

Sihmanhsehlaw biatak kan chimh hna: ka kal hi nan caah a ṭha deuh, zeicahtiah keimah ka kal lo ahcun Bawmtu kha nan sinah a ra kho lai lo. Ka kal ahcun amah cu nan sinah ka ratter lai.

LAMKALTU 8:17

Cun Peter le Johan nih an cungah an kut an chuan i Thiang Thlarau kha an hmuh.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

NAMBAR 11:25

Cu tikah Bawipa cu minmei khan a rung ṭum i amah cu a chawnh i amah cung i a ummi thlarau kha tlawmpal in a lak i upa sawm sarih cungah khan a chiah; cun thlarau nih annih cungah a um tikah annih nih bia an chim cukmak. Sihmanhsehlaw cu bantuk cun an tuah ṭhan ti lo.

1TIMOTE 5:17

Khrihfabu ṭha tein a hruaitu Khrihfa upa hna cu, an hmuh awk a simi kha a let hnih in hmuh awkah an i tlak; cu hna lak zongah cun phungchim le cawnpiak i a ṭangmi kha hmuh awkah an i tlak khun.

1 KORIN 12:31

Cucaah laksawng biapi deuh a simi hna tu kha nan i tinh awk a si. Cun cu hna lak hmanh ah a ṭha bik cu atu i ka hun chim dingmi hi a si:

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

ZEKHARIAH 9:12

Ruahchannak he a hngak komi thongtla hna, Ralhruang chungah cun ra kir ṭhan u. Nannih kha phun hnih in kan cham hna lai ni cu atu hi thanh a si cang.

SALM 72:20

Hihi Jesse fapa David thlacamnak an donghnak a si.

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

DEUTERONOMI 34:9

Cun Nun fapa Joshua cu, Moses nih a cungah a kut a chuan caah, fimnak thlarau in a khat; cucaah Israel mi nih a bia an ngaih i Bawipa nih Moses nawl a pek bang khan an tuah.

SALM 72:1

Maw Pathian, siangpahrang nih hin bia ka ceih tikah na dinnak kha ka hman nakhnga, ka cawnpiak ko;

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.