2 SAMUEL 22:20 - Lai (Hakha) Common Language Bible 2006

²⁰ Hmun kaupi ah a ka kalpi; Keimah chungah lawmhnak a ngeih caah a ka chuahter.

2 SAMUEL 22:20 Referans Kwoze

SALM 31:8

Ka ral hna kut chungah na ka phakter lo, himte tu in na ka zohkhenh.

SALM 118:5

Lung sivang in ka umnak chungin Bawipa cu ka auh; ka auhnak cu a ka leh i a ka luatter.

2 SAMUEL 15:26

sihmanhsehlaw, ‘Nangmah chungah lawmhnak ka ngei lo,’ a ka ti ahcun, zohhmanh, hika ah ka um ko, amah nih a ṭha a timi paoh cu ka cungah tuah ko seh,” tiah a ti.

SALM 22:8

An i thawh i, “Bawipa naa bochan ṭung, zeicahdah an khamh kun lo? Bawipa nih an dawt ahcun, zeicahdah an bawmh kun lo?” an ti.

SALM 149:4

Bawipa nih a mi cu a zaangfah hna i santlai lomi kha teinak a pek hna.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

MATTHAI 27:43

Pathian kha aa bochan i Pathian Fapa ka si a ti. Pathian nih a khamh le khamh lo kan zoh fam lai ta!” an ti.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

HOSEA 4:16

Israel mi cu cawla bantukin a lung a ṭhawngmi an si. Cucaah zeitindah tuufa bantukin ramhnonak ah cun rawl ka pek khawh hna lai?

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

1 CHANRELNAK 4:10

Jabez nih cun Israel Pathian cu a auh i, “Nangmah nih thluachuahnak ka pe law ka ramri kauhter law na kut cu ka sinah um seh law keimah cu harnak nih a ka tlunh nakhnga lo harnak chungin ka huppheng ko sawh,” tiah a ti. Cun Pathian nih a halmi kha a pek.

GENESIS 26:22

Cuka hmun cun aa ṭhial i tikhor a dang pakhat a cawh ṭhan. Cu kong ah cun siknak a um lo, cucaah a min ah Rehoboth a sak. Aa thawh i, “Atu cu hi ram chungah hin Bawipa nih luatnak a kan pek cang i hika hmun ah hin kan ṭhangcho cang lai,” a ti.

2 SAMUEL 22:37

Ka tang i ka ke hlannak caah hmun kaupi na ka pek i Ka ke cu a nal lo;

SALM 31:9

Harnak chung i ka um caah, Maw Pathian ka zaangfah ko; ka ṭah tuknak ah ka mit zong a phing dih i ka tha zong a dih cikcek cang.