2 KORIN 7:13 - Lai (Hakha) Common Language Bible 2006

¹³ Cucaah cun pei kan hna a ngam cu. Kan hnangam lawng a si lo. Titas nan rak lawmhternak nih khan a kan lawmhter ve.

Laibaibal Thiang (BSI)

¹³ Cucaah hnangam tein nan umnâk nih kannih zong kan hna a ngamter. Nan dihlak in Titas thlarau nan tharthawh piaknâk ruang i â lawmhnâk nih kannih zong a kan lawmhter chinchin.

2 KORIN 7:13 Referans Kwoze

2 KORIN 7:6

Sihmanhsehlaw lung a dongmi lung ṭhawnnak a pe tawntu Pathian nih cun, Titas a ratnak thawng khan lung ṭhawnnak a kan pek ṭhan.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

1 KORIN 12:26

Pum chung nge pakhatkhat nih fahnak a in ahcun a dang nge vialte zong nih khan an rak inpi ve; cun pakhatkhat nih khan thangṭhatnak a hmuh ahcun a dang vialte zong nih khan aa lawmhnak cu an rak i hrawm ve.

ROM 15:32

Cuticun, Pathian duhnak a si ahcun, lawmhnak he nan sin ka phan lai i nanmah tlawn cu ka caah thazang thar laknak a si lai.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

FILEMON 1:20

Cucaah ka nau, Bawipa ruangah, hi thilte hi cu rak ka tuahpiak ko; Khrih chung i unau pakhat bantukin ka lung ka lawmhter ko.

2TIMOTE 1:16

Onesiforas nih voi tampi ka lung a ka lawmhter caah Pathian nih a innchungkhar cu zaangfahnak pe ko hna seh. Thong ka tlak kha a ka zahpi lo,

FILIPI 2:28

Cucaah nan sin i hun kuat cu ka duh chinchin i nan hmuh tikah nan i lawm lai i ka ngaihchiatnak kha a lo lai.

2 KORIN 7:15

An fialmi hna tuah nan duhning le ther le phang lengmang in nan rak don kha a ruah tikah nanmah an dawt hnanak kha a ṭhawng chinchin.

2 KORIN 2:13

Sihmanhsehlaw kan nau Titas kha ka hmuh lo caah ka lungre a thei ngaingai. Cucaah cu ka mi cu, dam tein rung um u, tiah ka titak hna i Masidonia ram ah khan ka lan.

2 KORIN 2:3

Cucaah cun kha ca nan sin i ka rak ṭial kha a si. Nan sin rat i a ka lawmhtertu ding va si nalak i ka ngaihchiattertu si ding cu kaan duh ti hna lo. Zeicahtiah kaa lawmh tikah nannih zong nan dihlak in nan i lawm ti kha ka hngalh.

ROM 12:15

Aa lawmmi sinah vaa lawm ve u, a ṭapmi sinah va ṭap ve u.

1 KORIN 16:18

Nanmah nan tha an in nuamter hna bantukin kei zong ka tha an ka nuamter ve. Anmah bantuk minung hi kan thangṭhat hna awk a si.

2 KORIN 7:14

Amah sinah khan nanmah kongah ka vaa porhlaw i nannih zong nih nan ka deuh ve lo. Nannih cu biatak kha kan in chimh zungzal ko hna. Cu bantukin nanmah kong ah Titas sin i kan i porhlawtnak cu bia hmaan ah a cang.

FILEMON 1:7

Ka dawtmi ka nau, dawtnak na ngeihmi nih ka lung a ka lawmhter ngaingai i lungṭhawnnak tampi a ka pek. Pathian mi vialte cu an lung na lawmhter dih ko hna.