2 KORIN 6:6 - Lai (Hakha) Common Language Bible 2006

⁶ Kan ziaza a thiannak le biatak kan hngalhnak le lungsaunak le mi cung i zaangfahnak kan ngeihmi nih Pathian sal kan si kha an langhter. Cun Thiang Thlarau laksawng kan hmuhmi le dawtnak taktak kan ngeihmi le

Laibaibal Thiang (BSI)

⁶ thiannâk, hngalhnâk, lungsaunâk, velngeihnâk, Thiang thlarau, dawtnâk taktak,

2 KORIN 6:6 Referans Kwoze

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

EFESA 4:2

Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

GALATI 3:5

Pathian nih Thlarau an pek hna i nan lak i khuaruahharnak a tuah kha, Nawlbia nan zulh ruangah maw a si, asiloah, thawngṭha nan theih i nan zumh ruangah dah a si?

2 KORIN 12:15

Nanmah bawmhnak dingah hin ka ngeihmi vialte le ka pum zong hi hman dih ka duh ko. Cu tlukin kan dawt hringhran hna caah cun, daw lo deuh in nan ka um awk a si maw?

2 KORIN 11:11

Zeicahdah hitihin bia ka chim? Kan dawt hna lo caah a si maw? Pathian nih kan dawt hna cu a hngalh.

2 KORIN 11:6

Phungchim cu a thiam lo zong ka si ko lai, sihmanhsehlaw hngalhnak ah cun ka niam deuh hrimhrim lo; zeitik caan paoh ah biatak cu tlingte le fiang tein kan in theihter ko hna.

2 KORIN 11:4

Zeicahtiah nan sinah a ra i kannih chimmi si loin Jesuh dang a hung chimmi zong kha nan rak pomhlawm duahmah ko hna i kannih nih kan in chimhmi hna Thlarau le Thawngṭha he aa dang rumro komi thlarau le thawngṭha zong kha nan rak cohlan duahmah fawn ko.

2 KORIN 7:2

Nan lungthin chungah hmun rak kan serpiak ve u. Aho nan cung hmanh ah sualnak kan tuah lo, ahohmanh kan in hrawk hna lo, ahohmanh kan in ei kan in hmuar hna lo.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

2 KORIN 2:4

Ca kan kuat hna ah khan lungthin fak ngai le awlokchong ngai le mitthli tla bu in ka ṭial, cu ka ṭialmi cu nanmah ngaihchiatter dingah khan si loin, zeitluk in dah kan dawt hna, ti kha nan hngalh khawhnak hnga ka duh caah a si.

1 KORIN 13:4

Dawtnak cu thlachiat a ruat i mi cungah zaangfahnak a ngei. Dawtnak cu a nah a chuak lo, a lung a puam lo i aa porhlaw lo.

1 KORIN 2:16

Cathiang nih, “Bawipa cu aho nih dah a lungthin an hngalh? Amah cu aho nih dah ruahnak an cheuh khawh?” a ti bangin a si taktak. Sihmanhsehlaw kannih cu Khrih lungthin a ngeimi kan si.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

BIACEIHTU 16:15

Cun anih nih a sinah, “Na lung ka sinah um ṭung loin, zeitindah, ‘Kan dawt,’ tiah na ti khawh? Atu voi thum tiang na ka hlen cang i na thazang nganpi a umnak cu na ka chim lo,” tiah a ti.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1TIMOTE 4:12

Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.

1THESALON 2:10

Kan tehte cu nanmah kha nan si i cu bantukin Pathian zong a si ve. Nannih a zummi hna cung i kan ziaza cu a thiangmi le ahmaanmi le palhnak zeihmanh a um lomi a si.

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

EFESA 3:4

ka ṭialmi kha nan rel ahcun Khrih biathli ka hngalhnak kha nan hngalh khawh lai.)

GALATI 3:2

Hi thil pakhat te hi ka chim hnek u, “Pathian Thlarau kha, Nawlbia nih tuah u timi nan tuahnak thawngin maw nan rak hmuh, asiloah thawngṭha nan theih le nan zumhnak thawngin dah nan hmuh?”

1 KORIN 2:4

kan cawnpiaknak hna le ka phungchimmi ah khan nan lung an pemtu hna cu minung fimthiamnak holh dawhdawh kha si loin Pathian Thlarau ṭhawnnak tu kha a si deuh.

ROM 15:19

Thiang Thlarau ṭhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngṭha kha tlamtling tein ka chim.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

2TIMOTE 4:2

phung kha chim hna, a caan a rem zongah a rem lo zongah chim hna; al a herh ahcun al hna, chimhhrin a herh ahcun chimhring hna, a nawl in nawl a herh ahcun nawl hna law lungsau thinfual in cawnpiak hna.

2TIMOTE 3:10

Sihmanhsehlaw nang nih cun kaan cawnpiaknak le ka ziaza le ka nunnak i kaa tinhmi kha na zulh hna; zumhnak ka ngeihmi le ka lungsaunak le ka dawtnak ngeihmi le ka in khawhnak ngeihmi le

1TIMOTE 5:2

a tar deuhmi nu kha na nu bantuk ah rel hna law a no deuhmi nu kha thiannak in na far ah rel hna.

KOLOSE 2:3

Khrih cu Pathian fimnak le hngalhnak aa thupmi hunnak tawh a si.

1 KORIN 12:8

Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek.

2 KORIN 1:23

Pathian cu ka tehte a si — amah nih ka lungthin a hngalh. Korinth khua i ka rat lo cu nanmah zawn kan ruah hna caah a si.

2 KORIN 2:10

Nannih nih mi pakhat cu a sualnak nan ngaihthiam tikah kei zong nih ka ngaihthiam ve. Cun ka ngaihthiam tikah, ngaihthiam hau thil kha a cungah ka ngeih taktak a si ahcun, cu ka ngaihthiam cu nanmah ruangah, Khrih hmaika ah a si,

2 KORIN 13:10

Hi ruangah hin a langhlat in ca kan kuat hna hi a si. Ka duhnak cu nan sin ka phak tikah Bawipa nih a ka pekmi nawlngeihnak kha hraang ngaiin hman herh hlah ning ti hi a si — cu nawlngeihnak cu nanmah ṭhehnak nawlngeihnak si loin nanmah saknak nawlngeihnak tu a si deuh.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.