2 KORIN 5:10 - Lai (Hakha) Common Language Bible 2006

¹⁰ Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

Laibaibal Thiang (BSI)

¹⁰ Zeitintiah mikip nih taksa in a chia a ṭha an tuahmi vialte an hmuh ṭhân dih nâkhnga, Krih biaceihnâk ṭhutdanh hmai ah langhter kan si dih lai.

2 KORIN 5:10 Referans Kwoze

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

EFESA 6:8

Bawipa nih mi vialte kha, sal an si zongah, miluat an si zongah, thil ṭha an tuahmi ruangah khan laksawng a pek cio hna lai, ti kha va hngal zungzal u.

PHUNGCHIMTU 12:14

Pathian nih kan tuahmi thil paohpaoh hi, a thli tein kan tuahmi si hna seh, a ṭha kan tuahmi si hna seh, a chia kan tuahmi si hna seh, bia a ceih dih hna lai.

SALM 62:12

a ti kha voi khat nak tam ka theih. Bawipa, nangmah hrimhrim nih mi cu, an rianṭuanning in na lehrulh ko hna.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

1 PETER 4:5

Sihmanhsehlaw a nungmi he a thimi he bia a ceihtu ding Pathian hmaiah cun an chuak ve lai i an bia cu an i chim ve te ko lai.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

LAMKALTU 10:42

Cun mi sinah Thawngṭha chim awk le amah cu Pathian nih a nungmi he a thimi he an biaceihtu ah a ser cang ti tehte khaangtu ah a kan fial.

JOB 34:11

Zeicahtiah mi cu an rianṭuanning bantukin a lehrulh hna i An ziaza ning bantukin an cungah a tlunter.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

EZEKIEL 18:30

Cucaah cun maw Israel mi hna, Bawipa Pathian nih hitin a ti: Ahohmanh nanmahle nan tuahnak cung cio ah bia kan ceih hna lai. Nan ṭhat lonak khan i mer cang ko sawh u, cu ti a si lo ahcun nan ṭhat lonak kha nan tluknak a si lai.

1 SIANGPAHRANG 8:32

khi tikah nang nih van in run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ning khan pek awkah thiam run coter ko.

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

1 SIANGPAHRANG 8:39

khi tikah nang nih na umnak van khin rak theihpiak hna law ngaithiam hna law, tuah law an zulhmi lam vialte ning cio ah an lungthin nangmah nih na hngalh ko mi hna cu pe ko hna (zeitintiah nangmah, nangmah lawnglawng nih minung fa vialte hna an lung cu na hngalh);

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.

ROM 6:19

Hi bantukin tahchunhnak bia ka hman hi, nannih nih nan hngalh khawh deuh nakhnga ka duh caah a si. Hlanah cun a ṭha lomi thil tuah awkah thurhnawmhnak le ṭhat lonak sal nan rak si. Cu bantuk ṭhiamṭhiam in atu cu a thiangmi thil tuah awkah dinnak sal nan si awk a si.

1 SAMUEL 2:3

Ninghngal tuk in bia chim ti hlah u, Ruamkainak cu nan kaa chung in chuak hlah seh; Zeitintiah Bawipa cu fimnak Pathian a si, Amah nih tuahnak hna kha an khing a thlai tawn hna.

2 KORIN 7:3

Hi bantukin ka chim hi nanmah kha sualphawt kan duh hna caah a si lo; ka chim cang bang khan nannih cu kan lungthin chungah nan um tuk hringhran caah a si i kan nun ah nun ṭi, kan thih ah thih ṭi kan si ko lai.

ROM 2:16

Cucaah Pathian nih Jesuh Khrih thawngin minung lungthli ruahnak kha bia a ceih Ni ah cun hi bantuk hin a si te lai ti hi ka chimmi Thawngṭha nih a chimning cu a si.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.