2 KORIN 5:1 - Lai (Hakha) Common Language Bible 2006

¹ Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

Laibaibal Thiang (BSI)

¹ Zeitintiah hi lei i kan deu hi rawk hmanhsehlaw, Pathian sinin inn, kut i sak lomi, zungzal inn van i a ummi cu kan ngei ti kha kan hngalh.

2 KORIN 5:1 Referans Kwoze

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

2 KORIN 4:7

Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ṭhawnnak hi kanmah ta si loin Pathian ta a si ti kha a langhter.

HEBRU 9:11

Sihmanhsehlaw a um lai ding a rak simi, hika i a um cangmi thil ṭha hna Tlangbawi Ngan Khrih kha a ra cang. Rian a ṭuannak thlam cu a ngan deuh i a tling deuh; minung sermi a si lo, cu a sullam cu sermi vawlei cung thil i aa telmi a si lo tinak a si.

JOB 4:19

Cucaah tlak inn ah khua a sa i a hram cu leidip a si i Pelep bangin a man khomi cu zeitluk in dah a ti chinchin hna lai.

1 PETER 1:4

Pathian nih a mi hna caah a chiahmi thluachuah vanluhnak tampi cu co awkah kan i ruahchan. Cu thluachuahnak cu a thu a man kho lomi le a ziam kho lomi an si i Pathian nih vancung ah khin an chiahpiak hna.

2 KORIN 5:4

Hi vawlei cung thlam chung i kan um lioah hin cun hremnak ing lengmang in kan hrum kan ai; hi vawlei cung pum hi hlawt kan duh ti a si lo, sihmanhsehlaw vancung pum kha hun kan hruk hna seh law ti kha kan duh i thih thiammi hi nunnak nih dolh seh law ti kha kan duh.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

MARKA 14:58

“ ‘Minung sakmi Biakinn hi ka ṭheh lai i minung nih sakmi a si lomi biakinn ni thum chungah ka sak ṭhan lai,’ tiah a chim kan theih,” tiin lih an puh.

2 PETER 3:11

Van le vawlei cu hi bantukin hrawh an si lai caah, zei bantuk mi dah kan si awk a si ti cu ruat tuah u. Nan nunning cu a thiangmi le Pathian sin i pekmi an si awk a si.

KOLOSE 2:11

Amah he nan i pehtlaihnak ah hin nannih cu cuarpartannak kha nan hmu, minung tuahmi cuarpartannak kha si loin Khrih cuarpartannak hrimhrim kha nan hmu i cucu hi a sualmi kan pum chungin luatnak kha a si.

1JOHAN 3:19

Cucaah biatak zulmi kan si kan i hngalhnak ding cu hihi a si. Cun zeitindah Pathian hmaiah lungphanglo tein kan um cu hitihin a si;

1JOHAN 3:14

Thihnak kha kan kaltak cang i nunnak chungah kan lut cang ti kan hngalhnak cu pakhat le pakhat kan i dawt hna caah hin a si. A unau a daw hna lomi paoh cu thihnak chungah a um ko rih.

HEBRU 11:10

Zungzal in a hmunmi khuapi, Pathian sermi cu, Abraham nih cun a hngah.

1 KORIN 3:9

Zeicahtiah kannih cu Pathian ca i hmunkhat ah rian a ṭuan ṭimi kan si i nannih cu Pathian lo nan si. Nannih cu Pathian inn zong nan si fawn.

SALM 56:9

Nangmah kan auh ni ah ka ral cu an kir lai, mah hi fiang tein ka hngalh — Pathian cu keimah leiah a um.

JOB 30:22

Na ka tlaih i thlitu lakah na ka ṭhutter i Thlichia nih heh tiah a ka den.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

ISAIAH 38:12

Ka nunnak cu a cat i a dong, ṭhehmi thlam bantuk le thiamruak la cat bantuk a si. Pathian nih ka nunnak cu a donghter rua lai tiah ka ruah.

LAMKALTU 7:48

“Sihmanhsehlaw Cung Nung Bik Pathian cu, profet nih,