2 KORIN 4:10 - Lai (Hakha) Common Language Bible 2006

¹⁰ Thih a thiammi kan tak cungah hin Jesuh thihnak kha kan i ken zungzal, zeicahtiah hi kan tak ṭhiamṭhiam ah hin Jesuh nunnak zong cu a langh ve nakhnga.

Laibaibal Thiang (BSI)

¹⁰ Jesuh nunnâk hi kan taksaah a langh khawh nâkhnga Jesuh thihnâk zong kan taksa ah kan i put.

2 KORIN 4:10 Referans Kwoze

ROM 6:5

A thihnak ah amah he kan thih ṭi ahcun, nunnak i thawhter a sinak ah kannih zong thawh ṭiter kan si ve lai.

2TIMOTE 2:11

Hi a tanglei bia hi ahmaanmi bia a si: “Amah he kan thih ṭi ahcun, amah he a nun zong kan nung ṭi lai.

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

ROM 6:8

Kannih cu Khrih he kan thih ṭi cang ahcun, amah he kan nung ṭi lai ti zong kha kan zumh.

2 KORIN 13:4

Asi, a derthawm caah vailam ah an tah taktak, sihmanhsehlaw Pathian ṭhawnnak in a nung. Kannih zong amah derthawmnak i hrawm in kan der, asinain nanmah he kan i pehtlaihnak ah a nunnak Pathian ṭhawnnak cu kan in hrawm hna.

2 KORIN 1:5

Khrih nih a inmi temhinnak tampi cu kannih zong kan i hrawm ve bantukin Khrih hnangamnak zong cu kan i hrawm ve.

ROM 8:36

Cathiang nih, “Nangmah ruangah chun nitlak thah hrulh lengmang in kan um; thah awk i kalpimi tuu bantukin an kan tuah,” tiah a ti bantuk khan a si.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

2 KORIN 1:9

Kannih cu thi dingin biakhiah kan si ko cang tiin kan i ruah. Asinain hi ti thil a rak um cu kanmah le kanmah kha i bochan loin, mithi a thawhtertu Pathian kha kan i bochan deuhnak hnga caah a rak si.

GALATI 6:17

Ka bia donghnak ah: ahohmanh nih harnak ka pe ti hlah u. Ka pum cung i a ummi hmape nih hin Jesuh sal ka si cu a langhter ko.

JOHAN 14:19

Hi hnu tlawmpal ah hin vawlei nih cun a ka hmu ti lai lo, sihmanhsehlaw nannih nih cun nan ka hmuh lai; cun keimah hi ka nun lai caah nannih zong nan nung ve lai.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

2 KORIN 4:11

Thih a thiammi kan pum ah hin Jesuh nunnak cu a langh khawh nakhnga Jesuh ruangah thihnak huat dengmang lengmang in khua kan sa.

1 PETER 4:14

Khrih zultu nan si ruang i serhsatnak nan in ahcun, nan caah lunglawmh awk a va si dah; cu nih cun sunparnak a ngeimi Thlarau, Pathian Thlarau kha nan cungah a um, ti kha a langhter.