2 JOHAN 1:9 - Lai (Hakha) Common Language Bible 2006

⁹ Khrih cawnpiaknak chungah um peng loin kar hlei a lammi nih cun Pathian kha an ngei lo. Cawnpiaknak chungah khan a um pengmi nih cun Pa he Fapa he an ngeih hna.

Laibaibal Thiang (BSI)

⁹ Mizei pauh Krih cawnpiaknâk ah hmun loin a buartu nih cun Pathian an ngei lo. Krih cawnpiaknâk i a hmunmi lawng nih Pa le Fa an ngei.

2 JOHAN 1:9 Referans Kwoze

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1JOHAN 1:3

Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.

LAMKALTU 2:42

Lamkaltu hna cawnpiaknak ngaih awkah khan atu le atu an i pum i hawikomhnak ah khan an i tel i hawikomhnak rawl an dum ṭi i thla an cam ṭi lengmang.

TITAS 2:10

Thil zeipaoh an tuahnak ah khan kan Khamhtu Pathian kha a thang an ṭhat nakhnga ṭha te le zumh awk tlak tein an tuah awk a si.

JOHAN 15:6

Ka chungah a um lomi cu mitsur nge car bantukin lengah hlonh an si ko. Cu bantuk nge cu an pumh hna i mei ah an paih hna i cuka ah cun an kang dih.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

LUKA 10:22

“Ka Pa nih zeizong vialte kha a ka pek cang: Pa nih dah ti lo nih cun ahohmanh nih Fapa kha ahodah a si, ti awk an hngal lo, Fapa le an sinah Fapa nih Pa a phuan duhmi hna dah ti lo nih cun Pa kha ahodah a si ti awk ahohmanh nih an hngal lo,” tiah a ti.

HEBRU 6:1

Cucaah hmailei ah fong u sih, Khrihfa cawnpiaknak a hram kan i domhnak kha hnulei ah kaltak u sih law a tlam a tlingmi cawnpiaknak kha fuh u sih. Santlai lomi rian kaltak kha a hram in i domh ṭhan lengmang ti hlah u sih, cun Pathian zumh zong kha a hram in i thawk ṭhan lengmang ti hlah u sih;

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

JOHAN 8:31

Cucaah Jesuh nih amah a zummi Judah mi hna kha, “Ka cawnpiaknak kha nan zulh ahcun a ka zultu taktak cu nan si;

3 JOHAN 1:9

Khrihfabu sinah ca tawite hi ka ṭial, sihmanhsehlaw an hruaitu si a duhmi Diotrefes nih khan cun ka chimmi hi zeihmanh ah a rel lai lo.