2 CHANRELNAK 1:8 - Lai (Hakha) Common Language Bible 2006

⁸ Cun Solomon nih Pathian sinah cun, “Ka pa David cungah a fek i a nganmi dawtnak cu na langhter i amah hmun ah keimah cu siangpahrang ah na ka ser cang.

2 CHANRELNAK 1:8 Referans Kwoze

1 CHANRELNAK 28:5

Cun ka fapa vialte hna lakah (zeitintiah Bawipa nih fapa tampi a ka pek hna) ka fapa Solomon cu Israel cung i Bawipa pennak bawiṭhutdan cung i ṭhut awkah khan a thim.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

SALM 89:49

Maw Bawipa, hlanlio i na dawtnak na rak langhtermi hna kha khuazei ah dah an si dih? David bia na rak kamhmi kha tah, khuazei ah dah an um kun?

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

1 CHANRELNAK 29:23

Cun Bawipa siangpahrang ṭhutdan ah cun Solomon cu a pa David can ah khan siangpahrang in a ṭhu i a hungcho i Israel mi vialte nih a bia kha an ngaih.

2 SAMUEL 22:51

Amah nih a siangpahrang cu teinak lianngan a pek i, A chiti thuhmi cu a fekmi dawtnak a hmuhsak, David le a tefa hna cu, zungzal in.”

1 SIANGPAHRANG 3:6

Cun Solomon nih, “Nangmah nih ka pa David cu zumhawktlak in le dinnak in le nangmah lei i lungthin ding ngeihnak in na hmaiah a um caah, a ngan le a fekmi dawtnak cu na hmuhsak cang; cun hi a ngan i a fekmi dawtnak cu na chiahpiak i nihin i a bawi ṭhutdan cung i a ṭhu dingah fapa pakhat na pek.

1 CHANRELNAK 17:16

Khi tikah David cu a lut i Bawipa hmaiah khan a ṭhu i, “Maw Bawipa, Pathian, keimah cu ahodah ka si i ka innchungkhar zong hi zeidah an si, hi tiang nangmah nih na ka hruai hi?

1 CHANRELNAK 29:28

Cun upa ngaingai, tartlung nung in, rumnak le upatnak he a thi; cun Solomon a fapa cu amah hmun ah khan a hung bawi.