2TIMOTE 4:11 - Lai (Hakha) Common Language Bible 2006

¹¹ Luka lawng ka sinah a um. Marka kha rak i ratpi, zeicahtiah ka rianṭuannak ah misantlai ngai a si.

Laibaibal Thiang (BSI)

¹¹ Luka lawnglawng nih a ka umpi. Marka kha sawm law ratpi, zeitintiah amah cu hi rianṭuan nâkah ka caah san a tlai ngaingai.

2TIMOTE 4:11 Referans Kwoze

LAMKALTU 12:12

Thil umtuning kha a hung fian tikah Johan Marka nu Mary inn ah khan a va kal. Khika ah cun mi tampi kha an rak i pum i thla an rak cam.

FILEMON 1:24

Cun ka rianṭuan hawi Marka le Aristarkas le Demas le Luka nih nan kut an in tlaih ve hna.

LAMKALTU 12:25

Barnabas le Saul nih khan an rian cu an lim i Jerusalem in an ra kir i Marka kha an i ratpi.

2TIMOTE 1:15

Asia ram chung i a ummi nih an dihlak in an ka zamtak ti kha na hngalh, cu hna lakah cun Figelas le Hermogenes zong an i tel.

KOLOSE 4:14

Kan dawtmi sibawi Luka le Demas nih nan kut an in tlaih hna.

KOLOSE 4:10

Ka thongtlahawi i a simi Aristarkas nih nan kut an tlaih hna; cun Barnabas tupa Marka zong nih an tlaih ve hna. (Nan khua lei i a rat sual ahcun ṭha tein rak conglawmh u tiah tinak bia kha nan hmuh cang).

LAMKALTU 15:39

Fak piin an i al i pakhat le pakhat an i ṭhen. Barnabas nih Marka kha aa lak i Saipras tikulh leiah lawng in an kal;

1 PETER 5:13

Babilon i a ummi Khrihfabu nih nan kut an in tlaih hna. Hi Khrihfabu zong cu Pathian thimmi a si ve. Cun ka fapa Marka zong nih biakchawnhnak an kuat ve hna.

LAMKALTU 16:10

Paul nih hi langhnak a hmuh cangkate in Masidonia lei kal awkah khan kan i tim, zeicahtiah cuka i a ummi hna sin i Thawngṭha chim awkah khan Pathian nih a kan auh tiah kan ruah.

LUKA 13:30

Cu tikah cun atu i a hmanung bik hi a hmasa bik an si lai i atu i a hmasa bik hi a hmanung bik an si lai,” tiah a ti.

MATTHAI 20:16

Cuticun a hmanung bik kha a hmasa bik an si lai i a hmasa bik kha a hmanung bik an si lai,” tiah Jesuh nih a ti.

MATTHAI 19:30

Sihmanhsehlaw atu i hmasa bik a simi tampi hi hmanung bik an si lai i atu i hmanung bik a simi tampi hi hmasa bik an si lai,” tiah a ti.

HOSEA 14:4

An zuanzamnak hi keimah nih ka damter lai i Ka lung chung taktak in ka dawt hna lai; An cung i ka thinhunnak cu a dam cang.

LAMKALTU 15:37

Barnabas nih khan Johan Marka kha i kalpi ṭhan a duh;

2TIMOTE 2:21

Ahohmanh a man a sungmi le a thiangmi thil lak i aa tel kho ve ding, inn Bawi nih a hman awkah aa tlakmi si ve dingah cun, cawnpiaktu ṭhalo vialte kha a kal tak hna awk a si; cun hmaizah awk tlak a simi rian zei rian paoh caah khan aa tlakmi a si lai.