2TIMOTE 2:25 - Lai (Hakha) Common Language Bible 2006

²⁵ amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

Laibaibal Thiang (BSI)

²⁵ toidornâk he anmah dohtu hna cu fianter hna seh, cuticun biatak an hngalh i an i ngaihchih tiang zongin Pathian nih a sian khawh ko,

2TIMOTE 2:25 Referans Kwoze

GALATI 6:1

Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1JOHAN 5:16

Mi pakhatkhat nih, a unau pakhatkhat kha, thihnak tiang a phanmi a si lomi sualnak a tuah kha a hmuh ahcun, nunnak a petu ding Pathian sinah khan thla a campiak lai — cucu thihnak tiang a phanmi sualnak a tuah lomi hna caah khan a si. Sihmanhsehlaw thihnak tiang a phanmi sualnak a um i cu kong ahcun Pathian sinah thla nan cam lai ka ti lo.

LAMKALTU 8:22

Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

2TIMOTE 3:7

hi nu hna hi cawn le hngalh a duh zungzal ve ṭung, biatak a hngal kho bal ṭung lomi an si.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

TITAS 1:1

Zumhnak kan i hrawmmi chung i ka fa taktak a simi Tias, hi ca hi kan kuat. Pathian kan Pa le Khrih Jesuh kan Khamhtu nih vel le daihnak in pe ko hna seh.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

JOHAN 5:34

Hiti ka timi hi minung tehte khaanpiak kha ka herh caah a si lo, sihmanhsehlaw khamh nan si nakhnga ca tu ah a si.

MARKA 1:15

“A caan kha a phan cang. Pathian Pennak cu a phan dengmang cang. Nan sualnak kha kaltak hna u law Thawngṭha kha zum tuah u,” tiah a ti hna.

EZEKIEL 36:31

Nan ziaza ṭhalo le nan tuahsernak a ṭha lomi kha nan i hngal ṭhan lai i nan ṭhat lonak le fihnung nan sinak ruangah khan nanmah le nanmah nan i fih lai.

TITAS 3:2

Ahohmanh i congoih hlah u, pakhat le pakhat i rem le i daw le lungnem cio tu in nan um lai, tiah na chimh hna lai.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

LAMKALTU 5:21

A bia cu lamkaltu hna nih khan an ngaih i khua a dei cangka tein biakinn chungah khan an lut i mizapi cu an cawnpiak hna. Tlangbawi Ngan le a hawile hna kha an ra i Sanhedrin khawngsil pumhnak kha an tuah, cucu Israel miphun khawngsil a ningpi in i pumhnak kha a si; cun lamkaltu hna kha kan hmaiah rak chuahpi hna u, tiin thonginn ah khan mi an hei thlah hna.

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

MATTHAI 21:32

Zeicahtiah Johan cu nan sinah a ra i ahmaanmi lam zulh awk kha an hmuhsak hna, sihmanhsehlaw nannih nih cun nan zum duh lo; ngunkhuai khawltu hna le hlawhhlangnu hna tu nih khan an zumh. Cucu nan hmuh hnu zongah nan lung nan i thleng duh ṭhiamṭhiam lo i amah kha nan zum duh hlei lo,” tiah a ti.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

EZEKIEL 12:3

Cucaah mipa, an mit hmuh hrimhrim ah chun ah lam ca i na herh ding kha i tim law khualtlawn ah cun i thawh tuah. Na inn kha na kaltak i an hmuhhngan ah ral taannak chungah na kal tikah hin, annih nih mi dohhmang kan si ti kha an hei hngalh hmanh hnga maw.