1 SIANGPAHRANG 22:40 - Lai (Hakha) Common Language Bible 2006

⁴⁰ Cu bangin Ahab cu a pupa hna sinah a it i a fapa Ahaziah cu amah hmun ah khan a hung bawi.

1 SIANGPAHRANG 22:40 Referans Kwoze

2 CHANRELNAK 20:35

Mah hi hnuah hin ṭhat lonak a tuahtu Israel siangpahrang Ahaziah he khan Judah siangpahrang Jehoshafat cu an i kom.

2 SIANGPAHRANG 1:17

Cuticun Elijah nih a chimmi Pathian bia ningin amah cu a thi. Cun Ahaziah nih khan fapa a ngeih lo caah, Judah siangpahrang Jehoshafat fapa Jehoram a bawi kum hnihnak ah khan, a unau Joram cu amah hmun ah khan siangpahrang a cang.

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

1 SIANGPAHRANG 22:51

Judah siangpahrang Jehoshafat siangpahrang a si kum hleisarihnak ah Ahab fapa Ahaziah nih Israel cu Samaria khua in pen hram a thawk i Israel cu kum hnih a uk.

1 SIANGPAHRANG 14:31

Cun Rehoboam cu a pupa hna sinah khan a it i David khua chungah khan a pupa hna sinah cun an vui. A nu min cu Naamah a si, amah cu Ammon minu a si. Cun a fapa Abijam kha amah hmun ah cun a hung bawi.

1 SIANGPAHRANG 11:21

Sihmanhsehlaw Hadad nih Izipt ram in David cu a pupa hna sinah a it cang i ralkapbu haotu Joab kha a thi cang ti a theih tikah, Hadad nih cun Faro sinah khan, “Ka ram ah ka va kal nakhnga, ka kalter tuah,” tiah a ti.

1 SIANGPAHRANG 2:10

Cun David cu a pupa hna sinah a it i David khua ah khan an vui.

2 SAMUEL 7:12

Cun na ni kha a tlin i na pupa hna sinah na ih tikah, nangmah pum chungin a chuak laimi na fapa cu nangmah hnuah a chan ka thawhter lai i a pennak kha ka fehter lai.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

1 SIANGPAHRANG 22:39

Ahab tuahsernak a tang rihmi hna le, a tuahmi thil vialte hna le, vuiho inn a sakmi le, khua a sermi vialte hna cu, Israel Siangpahrang hna Chanrelnak Cauk chungah an i ṭial lo mei?

1 SIANGPAHRANG 22:41

Israel siangpahrang Ahab a bawi kum linak ah Asa fapa Jehoshafat nih Judah cu pen hram a thawk.

1 SIANGPAHRANG 11:43

Cun Solomon cu a pupa hna sinah a it i a pa David khua ah khan an vui; cun a fapa Rehoboam kha amah hmun ah cun a hung bawi.

1 SIANGPAHRANG 22:52

Bawipa mithmuh ah thil ṭhalo kha a tuah i a pa lam le a nu lam kha a zul ve i Israel mi a sualtertu Jeroboam, Nebat fapa lam kha a zulh.