1 SIANGPAHRANG 21:29 - Lai (Hakha) Common Language Bible 2006

²⁹ “Zeitindah Ahab nih ka hmaiah lungṭhum ngaiin a um kha na hmu ko lo maw? Ka hmaiah a lung a ṭhumh caah ṭhat lonak kha amah chan ah hin cun ka tlunter lai lo; sihmanhsehlaw a fapa chan ah a innchungkhar cungah hin ṭhat lonak kha ka tlunter lai,” tiah a ti.

1 SIANGPAHRANG 21:29 Referans Kwoze

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

2 SIANGPAHRANG 9:33

“Run hlonh u, amah kha,” tiah a ti. Cucaah an vun hlonh i a thi nih cun vampang le rang hna kha a peh hna i annih nih an nan len.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 18:44

Ka bia an theih tikah ka nawl an ka zulh, ramdangmi kha ka hmaiah an kun.

2 SIANGPAHRANG 10:11

Cucaah Ahab tefa Jezreel i a tang rihmi paohpaoh, a mi ngan vialte hna le a hawikom ṭha hna le a tlangbawi hna kha, pakhat hmanh tang loin Jehu nih a thah dih hna.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

JEREMIAH 7:17

Judah ram chung khua hna le Jerusalem khua chung lam hna ah khan zeidah an tuah kha na hmu lo maw?

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

LUKA 7:44

Cun minu lei kha a hei hoih i Simon cu a thawh i, “Hi nu hi na hmu maw? Na inn chungah ka ra lut i sihmanhsehlaw ka ke ṭawlnak caah ti naa ka pe lo, sihmanhsehlaw amah nih hin cun ka ke kha a mitthli in a ṭawl hna i a sam in a hnawh hna.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

1 SIANGPAHRANG 21:28

Cun Bawipa bia cu Tishbemi Elijah sinah khan a ra i,

1 SIANGPAHRANG 22:1

Kum thum chung cu Siria le Israel cu i do loin an um.

2 SIANGPAHRANG 22:19

hi hmun le hika i a ummi hna cu an ṭiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i Bawipa hmaiah toidor in na um ca le na hnipuan na thleh hna i ka hmai i na ṭah caah, kei zong nih na bia cu kan theihpiak ve, tiah Bawipa nih a ti.

2 CHANRELNAK 12:7

Bawipa nih an lung an ṭhumh kha a hmuh tikah Bawipa bia cu Shemaiah sinah khan a ra i, “Annih nih an lung an ṭhumh cang, cucaah ka hrawk hna lai lo, sihmanhsehlaw luatnak tlawmpal ka pek hna lai i Shishak kut in Jerusalem cungah ka thinhunnak cu thlet a si lai lo.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

1 SIANGPAHRANG 11:12

Sihmanhsehlaw na pa David ruangah nangmah chan chungah cun ka tuah lai lo, na fapa kut chung tu in ka thleh te lai.

2 SIANGPAHRANG 9:24

Cun Jehu nih a li cu a tha a dihumnak in a kuaih i Joram cu a liang le a liang karlak ah a kah i cucaah thal nih cun a lung kha a khen i a rangleng chungah cun a tlu rup ko.

2 SIANGPAHRANG 10:1

Ahab nih Samaria ah fapa sawm sarih a ngeih hna. Cucaah Jehu nih ca a ṭial i Samaria khua ah khan, khua uktu hna le upa hna le Ahab fapa hna zohkhenhtu hna kha a kuat hna i,

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

JONAH 3:10

Pathian nih an tuahmi kha a hmuh i an ziaza ṭhalo an hlawt kha a hmuh tikah aa ngaihchih i an cungah ka tlunter lai a timi ṭhat lonak kha a tlunter ṭhan lo.