1 SIANGPAHRANG 21:15 - Lai (Hakha) Common Language Bible 2006

¹⁵ Jezebel nih Naboth cu lung in cheh a si cang i a thi cang ti kha a theih cangka, Jezebel nih Ahab cu a thawh i, “Tho tuah, Jezreel mi Naboth nih phaisa in zuarh an sianh lomi mitsur dum kha i lak tuah; zeitintiah Naboth cu a nung ti lo, a thi cang,” tiah a ti.

1 SIANGPAHRANG 21:15 Referans Kwoze

PHUNGTHLÛKBIA 4:17

Ṭhat lonak changreu kha an ei i zaang-ennak zu kha an din.

1 SIANGPAHRANG 21:7

Cun a nupi Jezebel nih a thawh i, “Israel hi atu ah nangmah nih na uk maw? Tho law rawl ei law na lung kha lawmhter tuah; Jezreel mi Naboth mitsur dum cu keimah nih kan pek lai,” tiah a ti.

1 SIANGPAHRANG 21:1

Jezreel mi Naboth nih Jezreel khua ah, Samaria siangpahrang Ahab inn pawngah mitsur dum pakhat a ngei.

1 SIANGPAHRANG 21:14

Cu tikah Jezebel sinah khan mi an hei thlah i, Naboth cu lung in cheh a si cang; a thi cang,” tiah an ti.

1 SIANGPAHRANG 21:16

Cun Ahab nih Naboth kha a thi cang ti a theih cangka, Jezreel mi Naboth mitsur dum cu vung kal i vung i lak awkah a tho.

2 SIANGPAHRANG 9:7

Cun ka sal profet hna thi le Bawipa sal vialte thi kha Jezebel cungah phu ka hlam naklai na bawipa Ahab i a innchungkhar cu na tuk hna lai.

2 SIANGPAHRANG 9:21

Joram nih, “I tim u,” tiah a ti. Cun a rangleng kha an timh. Cun Israel siangpahrang Joram le Judah siangpahrang Ahaziah kha an rangleng veve in an i thawh i Jehu ton awkah khan an kal i Jezreel khuami Naboth dum ah khan an ton.