1 SIANGPAHRANG 2:45 - Lai (Hakha) Common Language Bible 2006

⁴⁵ Sihmanhsehlaw Solomon Siangpahrang cu thluachuah a hmu lai i Bawipa hmaiah zungzal in David bawi ṭhutdan cu fehter a si lai,” tiah a ti fawn rih.

1 SIANGPAHRANG 2:45 Referans Kwoze

PHUNGTHLÛKBIA 25:5

Siangpahrang hmaika in miṭhalo cu ṭhial hna u law a bawiṭhutdan cu dinnak in a fek lai.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 21:6

na thluachuahnak cu a hmuh zungzal hna i nangmah a sin i na um caah lawmhnak in a khat.

1 SIANGPAHRANG 2:24

Cucaah keimah kha a ka fehter i, ka pa David bawi ṭhutdan cungah a ka chia i bia a ka kam bangin innchungkhar a ka serpiaktu Bawipa nih a nun bangin, Adonijah cu nihin ah thah a si lai,” tiah a ti.

2 SAMUEL 7:13

Amah nih ka min caah inn pakhat a sak lai i a pennak bawi ṭhutdan cu zungzal in ka fehter lai.

1 CHANRELNAK 17:27

cucaah na sal innchungkhar hi nangmah hmaiah zungzal in a hmunh nakhnga, thluachuahnak pe ko sawh; zeitintiah maw Bawipa, nangmah nih thluachuah na pek cangmi cu zungzal in thluachuakmi a si ko,” tiah a ti.

SALM 21:4

Nunnak an hal i na pek, nun sau le chan sau na pek.