1 SIANGPAHRANG 19:19 - Lai (Hakha) Common Language Bible 2006

¹⁹ Cucaah khika khan a kal i Shafat fapa Elisha kha a hmai i cawtum tuah hleihnih he lei a rak thuan kha a hmuh, amah cu a tuah hleihnihnak sinah cun a rak um. Elijah cu a pawngin a lan i a puan khan a hei cheh.

1 SIANGPAHRANG 19:19 Referans Kwoze

2 SIANGPAHRANG 2:8

Cun Elijah nih a puan kha aa lak i a zual i ti kha a tuk i an pahnih in lei ro cungin an va kai hlan tiang, ti cu khattelei kam le khattelei kamah an i ṭhen.

1 SAMUEL 28:14

Cun anih nih, “A mui zeidah a si?” tiah a ti. Cun anih nih, “Tarpa pakhat a hung kai i a angkifual aa hruk,” tiah a ti. Cun Saul nih Samuel a si kha a hngalh i vawlei leiah a lu a khun i upatnak kha a tuah.

ZEKHARIAH 13:5

Annih nih an i thawh lai i, “Kannih cu profet kan si lo, lothlo kan si ko, kan ngakchiat tein atu tiang kan pawcawmnak cu vawlei hin a si,” an ti lai.

1 SIANGPAHRANG 19:13

Cun Elijah nih a theih tikah a puan in a hmai kha aa huh i a va chuak i lungkua luhnak ah cun a dir. Cun zohhmanh, aw pakhat kha a sinah a ra i, “Elijah, hika ah hin zeidah na tuah?” tiah a ti.

BIACEIHTU 6:11

Cun Bawipa vancungmi cu a ra i Abiezrit fapa Joash ta a simi kuhthing toiah khan a ṭhu; cucu a fapa Gideon nih Midian mi hna sinin thuh awkah mitsur hang nennak chung i changvut a tuk lio kha a si.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

AMOS 7:14

Cun Amos nih cun Amaziah cu a leh i, “Kei cu profet ka si lo, profet fa zong ka si lo; saṭil khal le saikamor thing thei a cingmi ka si.

HEBRU 11:37

Lung in an cheh hna, hluah in cheu hnih ah an chuah hna, vainam in an thah hna. Tuu phaw le meheh phaw i aih in an vak hniapmap i hremnak le serhsatnak kha an ing.

1 SAMUEL 11:5

Saul cu cawtum kha a hun zul hna i loin a hung tlung; cun Saul nih, “Mi hna hi an zeidah a ti i an ṭah?” tiah a ti. Cucaah Jabesh khuami hna thawngpang kha an chimh.

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.

AMOS 7:15

Sihmanhsehlaw saṭil ka khalh lio hna ah khan Bawipa nih a ka lak riangmang i, “Va kal law ka mi Israel mi kha va chim hna,” tiah a ka ti.