1 SIANGPAHRANG 18:26 - Lai (Hakha) Common Language Bible 2006

²⁶ Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

1 SIANGPAHRANG 18:26 Referans Kwoze

JEREMIAH 10:5

Cu bantuk siasal hna cu zil dum i ritṭih thlaimi bantuk ceo an si ko, an holh kho lo; An kal khawh lo caah a phorh in phorh an herh. Annih cu ṭih hna hlah u, harnak zeihmanh an tuah kho lo, Ṭhatnak zong zeihmanh an tuah kho fawn lo.

1 KORIN 12:2

Nannih cu lawkihmi nan si lioah khan nunnak a ngei lomi siasal nih a rak in uk hna kha nan hngalh i cu siasal nih cun a ping ah an hruai zungzal hna.

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

MATTHAI 6:7

“Thla nan cam tikah, Pathian bia lomi nih sullam a ngei set lomi bia tampi an hman bantukin va hmang ve hlah u, annih nih cun kan thlacam a sau ruangah hin Pathian nih a kan theihpiak deuh lai, tiah an ruah.

ZEFANIAH 1:9

Khi ni ah cun an bawipa biakinn tual i a lammi vialte kha dan ka tat hna lai i An bawipa inn zaang-ennak ṭhat lonak le hlennak in a khahtertu vialte hna cu dan ka tat fawn hna lai.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

ISAIAH 44:17

Cu thing ṭhiamṭhiam a tangmi cun siasal pakhat a ser. A hmaiah a kun i a biak. A sinah thla a cam i, “Nangmah cu ka pathian na si, ka khamh tuah,” a ti.

ISAIAH 37:38

Ni khat cu a pathian Nisrok biakinn i pathian a biak lioah khan a fapa hna lak i pahnih Adrammelek le Sharezer nih an vainam in an thah i annih cu Ararat ram ah an zam. A dang a fapa pakhat Esarhaddon nih a chan i siangpahrang ah a cang.

1 SIANGPAHRANG 18:24

Cun nannih nih nan pathian min kha nan auh lai i kei nih Bawipa min kha ka auh lai; mei in a kan lettu Pathian cu, amah cu Pathian cu a si lai,” tiah a ti. Cun mi vialte nih an leh i, “Na chimmi cu a ṭha,” tiah an ti.

1 SIANGPAHRANG 18:25

Cun Elijah nih Baal profet cu a thawh hna i, “Nannih nih cawtum pakhat kha i thim u law can hmasa u, nannih cu nan tam deuh cu ta; cun nan pathian min kha au u, sihmanhsehlaw mei bel kauhnawh hlah u,” tiah a ti.

1 SIANGPAHRANG 18:27

Cun chun ah khin Elijah nih cun a nihsawh hna i, “Fak piin au ngat u, pathian pei a si cu; khuadang a ruah lio hoi hna maw a si maw, ka khatkhat ah a kal ta rih i maw a si maw, asiloah, khual a tlawng i dik a si ko lai, aa hngilh i ṭhangh a herh zong a si ko lai dah kaw!” tiah a ti hna.

JONAH 1:5

Lawng cawngtu pawl cu an thin a phang i an pathian sin cio ah khan bawmhnak hal awkah an au. Cun lawng kha zaanter deuh awkah thil kha an hlonh hna, sihmanhsehlaw Jonah tu cu tilawng chung a ken khat ah khan a vung kal i a it i aa hngilh ziar ko.

HABAKKUK 2:19

Rawk ding nan si ko cang! Thingtan cu naa thawh i “I hlau tuah,” na ti; Lungtum cu naa thawh i, “Tho tuah,” na ti. Siasal nih zeital an phuanpiak kho maw? Ngun le sui cun tuam a si ko lai, asinain a chungah nunnak a um lo.

EXODUS 8:14

Izipt mi nih cun a pon in an pon hna i ram cu a thut in a thu.

1 SAMUEL 5:3

Cun a thaizing ah, Ashdod khuami hna cu zingkate in an thawh tikah, zohhmanh, Dagon cu a bawktakhup in vawlei ah Pathian kuang hmaiah cun a rak tlu. Cucaah Dagon cu an lak i a umnak kel ah khan an chiah ṭhan.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.