1 SIANGPAHRANG 18:10 - Lai (Hakha) Common Language Bible 2006

¹⁰ Bawipa, na Pathian a nun bangin, ka bawipa nih hin nangmah kawl ah mi a thlah lonak ram le miphun a um ti lo; cun annih nih, ‘Hika ah a um lo,’ tiah an rak ti tikah, cu ram cu siseh, cu miphun cu siseh, kan hmu lo tiin, chiat a serter hna.

1 SIANGPAHRANG 18:10 Referans Kwoze

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

JOHAN 8:59

Amah chehnak ah lung kha an i char, sihmanhsehlaw Jesuh cu aa thup i biakinn chung khan aa zuk.

JEREMIAH 36:26

Cun siangpahrang nih siangpahrang fapa Jerahmeel le Azriel fapa Seraiah le Abdeel fapa Shelemiah kha caṭialtu Baruk le profet Jeremiah kha va tlaih awkah a fial hna, sihmanhsehlaw Bawipa nih a thuh hna.

SALM 91:1

Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

SALM 31:20

Mi nih thah an timh hna caah na thlam chungah khan na thuh hna i an ral pawl nih an nihsawh khawh hna nakhnga lo na thla tangah na chiah hna.

SALM 10:2

Miṭhalo cu an ruam a kai i misifak kha an hrem hna; anmah nih an chiahmi rap ah khan i foih hna seh.

1 SIANGPAHRANG 18:15

Cun Elijah nih a thawh i, “A hmai i ka dirmi ralkapbu Bawipa nih a nun bangin, nihin ah amah sinah kaa langh hrimhrim lai,” tiah a ti.

1 SIANGPAHRANG 17:12

Cun anih nih a thawh i, “Bawipa, na Pathian a nun bangin, rawh ciami zeihmanh ka ngei lo, um chungah changvut pei khat lawng ka ngei i thawl chungah chiti tlawmte lawng ka ngei; cun atu hi ka tlun in mah cucu keimah le ka fapa ca i chuannak ding caah thinghreu pahnih thumte ka khawm hna; kan ei dih cun kan thi ko lai,” tiah a ti.

1 SIANGPAHRANG 17:9

“Tho law, Sidon ram khua a simi Zarefath ah va kal law, khika ah va um. Zohhmanh, khika ah khin nangmah cu cawm awkah nuhmeinu pakhat nawl ka pek cang,” a ti.

1 SIANGPAHRANG 17:5

Cucaah a kal i Bawipa bia ning cun a tuah; Jordan nichuahlei i a ummi Kherith tivate ah cun a va kal i a va um.

1 SIANGPAHRANG 2:24

Cucaah keimah kha a ka fehter i, ka pa David bawi ṭhutdan cungah a ka chia i bia a ka kam bangin innchungkhar a ka serpiaktu Bawipa nih a nun bangin, Adonijah cu nihin ah thah a si lai,” tiah a ti.

1 SIANGPAHRANG 1:29

Cun siangpahrang nih chiat a ser i, “Harnak kip chungin ka nunnak a ka tlantu Bawipa cu a nun bangin,

1 SAMUEL 29:6

Khi tikah Akhish nih David kha a kawh i a sinah, “Bawipa nih a nun bangin, nangmah cu midik ngaingai na si i hi raldohnak i kan kalnak ah hin keimah sin i na luh na chuah ve hi a ding ko, tiah ka ruah; zeitintiah ka sinah na rat ni in nihin ni tiang nangmah chungah zeihmanh ṭhat lonak ka hmu lo. Sihmanhsehlaw bawi pawl nih nangmah cu an hna na tla lo.

1 SIANGPAHRANG 18:9

Cun anih nih a thawh i, “Khuazei ah dah ka sual i na salpa hi rak thah awkah Ahab kut chungah na ka pek hnik?

1 SIANGPAHRANG 18:11

Cun atu cu nang nih na thawh i, ‘Va kal law, “Hika ah Elijah cu a um ko,” tiah na bawipa cu va chim,’ na ka ti.

1 SIANGPAHRANG 22:14

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

JEREMIAH 36:19

Cun bawi hna nih cun Baruk cu an thawh i, “Va kal law nangmah le Jeremiah cu vaa thup u law ahohmanh nan umnak kha hngalhter hna hlah u,” an ti.

1 SAMUEL 23:23

Cucaah cun, aa thuhnak hmun vialte kha vaa chingchiah u law, ka sinah a dik hrimhrimmi theihnak he ra ṭhan u. Khi tikah nannih sinah ka kal lai i hi ram chungah a um paohpaoh ahcun, Judah mi a thongthong vialte hna lakah hin, amah cu ka kawl lai,” tiah a ti.