1 SIANGPAHRANG 11:21 - Lai (Hakha) Common Language Bible 2006

²¹ Sihmanhsehlaw Hadad nih Izipt ram in David cu a pupa hna sinah a it cang i ralkapbu haotu Joab kha a thi cang ti a theih tikah, Hadad nih cun Faro sinah khan, “Ka ram ah ka va kal nakhnga, ka kalter tuah,” tiah a ti.

1 SIANGPAHRANG 11:21 Referans Kwoze

1 SIANGPAHRANG 2:10

Cun David cu a pupa hna sinah a it i David khua ah khan an vui.

MATTHAI 2:20

“Tho law, ngakchia le a nu kha Israel ram ah hun kirpi ṭhan cang hna; zeicahtiah ngakchia thah a timmi kha an thi cang,” tiah a ti.

1 SIANGPAHRANG 2:34

Cun Jehoiada fapa Benaiah cu a hung kal i a tuk i a thah i ramlak ah amah a inn ah khan an vui.

2 SAMUEL 3:21

Cun Abner nih David sinah, “Ka va kal lai i siangpahrang bawipa sinah khan, Israel mi vialte cu ka pumh hna lai. Nangmah he biakamnak an ser lai i na lung duhmi a rak si bang khan na uk hna lai,” tiah a ti. Cucaah David nih Abner cu a kalter i daihnak in a kal.

1 SAMUEL 9:26

Cun ceu vukvak ah inncung i a ummi Saul cu Samuel nih a auh i, “Tho tuah, ka hei in thlah tuah lai,” tiah a ti. Cucaah Saul cu a tho i Samuel he cun an pahnih in khuachung lam ah khan an va chuak.

JOSHUA 2:21

Cun anih nih, “Nan bia bangin si ko seh,” tiah a ti. Cun a kalter hna i an kal; cun hri sen kha thlalangawng ah khan a hren.

EXODUS 4:19

Bawipa nih Moses kha Midian ram ah cun a chawnh i, “Atu cu Izipt ram ah vung kir cang, nangmah thah an duhmi vialte kha an thi cang,” a ti.

GENESIS 45:24

A unau hna cu a hei thlah hna i, “Lampi ah lungrethei in va um hlah u,” tiah a ti hna.

1 SIANGPAHRANG 11:20

Cun Tahpenes unaunu nih khan a fapa Genubath kha a hrinpiak i amah cu Faro inn ah khan Tahpenes nih hnuk a thlahter; Genubath cu Faro fapa hna lakah khan Faro inn ah cun a um ve.

1 SIANGPAHRANG 11:22

Sihmanhsehlaw Faro nih cun amah cu a thawh i, “Na ram i kal naa timh cu keimah sin i na um ah hin zeidah na bau?” tiah a ti. Cun anih nih, “Zei kan ti hnga, ka kalter ko,” tiah a ti.